- wolf246@gmail.com
Allegri reveals why Ronaldo is different from other players
- Sunday 15 September 2019
- 11:23 AM
Cristiano Ronaldo និងអ្នកចាត់ការលោក Massimiliano Allegri បានរួមរស់ជាមួយគ្នាអស់មួយរដូវកាលមុនពេលក្លឹបបណ្ដេញចោលអ្នកចាត់ការសញ្ជាតិអ៊ីតាលីរូបនេះ ហើយជំនួសដាក់ចូលលោក Sarri។
ប្រាប់សារព័ត៌មាននៅពេលកន្លងទៅនេះ Allegri នៅតែនឹកនាដល់ភាពខិតខំប្រឹងប្រែងរបស់ Ronaldo ហើយនិយាយពីចំណុចខុសប្លែកគ្នារវាងគេធៀបនឹងកីឡាករឯទៀតក្នុងក្រុម។ លោក Allegri មានប្រសាសន៍ថា៖ “Ronaldo មានអាយុ ៣៤ ឆ្នាំហើយ គេបានឈ្នះពានរង្វាន់អឺរ៉ុបនិងបាល់មាស ប៉ុន្តែគេនៅតែបន្តធ្វើឲ្យខ្លួនឯងមានភាពសំខាន់ ចំណុចនេះហើយដែលខុសពីគេដទៃទៀត”។
លោកបន្ត៖ “ជាងនេះគឺបច្ចេកទេសដែលជាមូលដ្ឋានគ្រឹះរុញឲ្យ Ronaldo ឈរនៅកម្រិតខ្ពស់អស់រយៈពេលច្រើនឆ្នាំ ហើយបើសួរថាខ្ញុំជ្រើសយកបង្វឹក Ronaldo ឬយុវជនមានទេពកោសល្យ នោះខ្ញុំនឹងឆ្លើយយក Ronaldo ទាំងមិនស្ទាក់ស្ទើរ”៕