- wolf246@gmail.com
Arsenal ចាប់អារម្មណ៍ចង់បាន Asensio របស់ក្រុម Real Madrid
- Monday 13 June 2022
- 09:05 AM
ក្រុមកាំភ្លើងធំ Arsenal បានបង្ហាញការចាប់អារម្មណ៍មកលើខ្សែប្រយុទ្ធ Marco Asensio របស់ក្រុម Real Madrid ដែរហើយ ក្រោយពីកីឡាករផ្ទាល់ចង់ចាកចេញនៅរដូវក្ដៅនេះ។
ខ្សែប្រយុទ្ធស្លាបរបស់ក្រុមអធិរាជសនៅសល់កុងត្រាត្រឹម១ឆ្នាំទៀតប៉ុណ្ណោះ ហើយការចរចាកុងត្រាថ្មីក៏មិនទាន់កើតមាននៅឡើយដែរ។ មួយវិញទៀត រូបគេក៏មិនសូវមាននាទីលេងដែរក្រោមការដឹកនាំរបស់លោក Carlo Ancelotti។ ដូច្នេះហើយ ទើបបានជាក្រោយឈ្នះពានរង្វាន់ UEFA Champions League ហើយ កីឡាករអេស្ប៉ាញរូបនេះពោលពាក្យចង់រកក្លឹបថ្មីលេងតែម្ដង។
យោងតាមប្រភពនៅអង់គ្លេស នាពេលបច្ចុប្បន្ននេះក្លឹបច្រើនចង់បានរូបគេ ហើយក្នុងនោះក៏មានក្រុម Arsenal មួយផងដែរ។ ក្លឹបរបស់លោក Arteta រូបនេះស្វែងរកខ្សែប្រយុទ្ធថ្មី ដើម្បីមកជួយក្រុមនារដូវកាលថ្មីខាងមុខ ស្របពេល Alexandre Lacazette បានសម្រេចចិត្តចេញពីក្រុមហើយ ដើម្បីត្រលប់ទៅលេងនៅ Lyon វិញ៕ ប្រភព ៖dailymail
