- wolf246@gmail.com
Aubameyang នឹងបង្ហាញខ្លួនឱ្យ Chelsea នៅរាត្រីនេះក្នុងពាន UCL
- Tuesday 06 September 2022
- 01:21 PM
ខ្សែប្រយុទ្ធចំណូលថ្មី Pierre-Emerick Aubameyang នឹងបង្ហាញខ្លួនឱ្យក្រុមតោខៀវ Chelsea នៅរាត្រីនេះហើយក្នុងការប្រកួតទល់ក្រុម Dinamo Zagreb ក្នុងពានរង្វាន់ UEFA Champions League។
ក្រុមរបស់លោក Thomas Tuchel មានបញ្ហានៅតំបន់ប្រយុទ្ធ បើទោះជាពួកគេនាំចូលកីឡាករជាច្រើននាក់ហើយក្ដី ប៉ុន្តែនៅមិនទាន់ល្អប្រសើរនៅឡើយទេ។ អ្នកគាំទ្រសង្ឃឹមថាវត្តមានរបស់ Aubameyang នឹងអាចកែប្រែស្ថានភាពឡើងវិញបានខ្លះ ជាពិសេសសម្រាប់ការប្រកួតបើកឆាកពានរង្វាន់ UEFA Champions League នៅរាត្រីនេះតែម្ដង។
បើតាមការអះអាងផ្ទាល់ពីលោក Tuchel អ្នកចាត់ការក្រុម Chelsea គឺខ្សែប្រយុទ្ធវ័យ៣៣ឆ្នាំនឹងបាននាទីលេងសម្រាប់ការប្រកួតនៅរាត្រីនេះ ប៉ុន្តែមិនទាន់ច្បាស់ថានឹងចូលលេងដើមតង់ឬប្ដូរចូលនោះទេ។ តែ Aubameyang នឹងត្រូវលេងដោយពាក់ម៉ាស់ការពារមុខ ក្រោយពីគេរងរបួសថ្គាមកាលពីពេលកន្លងទៅនេះ៕