- wolf246@gmail.com
"Barcelona have Lionel Messi but for me the best player in history is this one." - Marchisio
- Sunday 24 November 2019
- 09:45 PM
អតីតតារាឆ្នើមអ៊ីតាលី Claudio Marchisio បានចាត់ទុក អតីតខ្សែបម្រើ Andres Iniesta របស់ Barcelona ជាកីឡាករល្អបំផុត នៅក្នុងការប្រកួត។
Marchisio ដែលបច្ចុប្បន្នបានចូលនិវត្តពីបាល់ទាត់ មានការកោតសរសើរទៅលើ Iniesta ដោយលោកបាននិយាយថា៖ “ហេតុដូចម្ដេចបានជា Iniesta មិនអាចឈ្នះពាន Ballon d’Or? ខ្ញុំមិនយល់ទេ។ គាត់មានខួរក្បាលបី នៅនឹងជើងស្ដាំមួយ នៅនឹងជើងឆ្វេងមួយ និង នៅលើក្បាលមួយ។
“Barcelona មាន Lionel Messi ប៉ុន្ដែ សំរាប់ខ្ញុំកីឡាករល្អបំផុតនៅក្នុងប្រវត្តិសាស្ដ្រគឺ Iniesta។ វាពិតជាគួរឲ្យកោតស្ញប់ស្ញែង ចំពោះរបៀបលេងរបស់គាតនៅក្នុងការប្រកួត។ គាត់ធ្លាប់អាវុធមុតស្រួចមួយរបស់ Barcelona។”
គួររំឮកថា អតីតខ្សែបម្រើក្រុម Juventus រូបនេះ ធ្លាប់បានតតាំងជាមួយ Iniesta ជាច្រើនលើក សំរាប់ក្លឹប និង ក្រុមជម្រើសជាតិ ហើយរូបលោកពិបាកនឹងរកពាក្យមកបរិយាយចំពោះភាពល្អរបស់ អតីតខ្សែបម្រើអេស្ប៉ាញរូបនេះ៕
ប្រភព៖ SPORT