- wolf246@gmail.com
សុំសរសើរមែន ខ្វះមួយថែមមួយ ខ្វះកន្លែងណាដាក់កន្លែងហ្នឹង! Real Madrid រកអ្នកជំនួស Toni Kroos បានហើយ
- Friday 28 June 2024
- 07:55 PM
ក្លឹប Real Madrid ត្រូវបានគេរាយការណ៍ថាបានកំណត់អត្តសញ្ញាណដែលពួកគេពេញចិត្តជាអ្នកជំនួស Toni Kroos រួចរាល់ហើយ។ Kroos បានធ្វើឱ្យពិបាកក្នុងការរកអ្នកជំនួសឱ្យ Real Madrid ដោយសារតែភាពដ៏អស្ចារ្យរបស់គាត់ដែលបង្ហាញពីភាពជោគជ័យចុងក្រោយរបស់ពួកគេក្នុងក្របខ័ណ្ឌ Champions League ទល់នឹង Borussia Dortmund ។
កីឡាករវ័យ៣៤ឆ្នាំ កំពុងចូលនិវត្តន៍ពីក្លឹបបាល់ទាត់ ហើយក៏នឹងត្រៀមឈប់សម្រាប់ពីជម្រើសជាតិអាឡឺម៉ង់បន្ទាប់ពី Euro ២០២៤ ផងដែរ។ ក្នុងអំឡុងពេលរបស់គាត់នៅ Real Madrid ខ្សែបម្រើឆ្នើមដែលអ្នកគាំទ្រដាក់រហ័សនាមថា (Sniper) Kroos បានបង្ហាញខ្លួនជាង ៤០០ ប្រកួត និងបានឈ្នះពានរង្វាន់ជាច្រើនរួមមាន Champions Leagues ៥ដង និងពាន LaLiga ៤ដង។
ពេលនេះ Real កំពុងបង្វែរការចាប់អារម្មណ៍របស់ពួកគេ ទៅរកវិធីជំនួសកន្លែងរបស់ខ្សែបម្រើដ៏ល្បីរូបនេះ។ ដូចដែលបានរាយការណ៍ដោយ Sport ថា Real កំពុងពិចារណាលើការផ្លាស់ប្តូរសម្រាប់ខ្សែបម្រើ Khephren Thuram របស់ក្លឹប Nice ។
Real មិនត្រូវបានរំពឹងថានឹងចុះហត្ថលេខាលើអ្នកជំនួស Kroos នោះទេដោយសារមានកីឡាករវ័យក្មេងក្នុងក្រុមរួចទៅហើយ ប៉ុន្តែអាចនឹងផ្លាស់ប្តូរប្រសិនបើមានឱកាសដើម្បីធ្វើដូច្នេះ។ Thuram អាចមានក្នុងតម្លៃចន្លោះពី ១៥លានអឺរ៉ូ (១២លានផោន) ទៅ ២០លានអឺរ៉ូ (១៦លានផោន) ដែលជាតម្លៃមួយមិនជាបញ្ហាឡើយសម្រាប់ក្លឹបយក្សអេស្ប៉ាញមួយនេះ។
កីឡាករវ័យ២៣ឆ្នាំរូបនេះធ្លាប់លេងនៅ Monaco មុនពេលចុះកុងត្រាជាមួយ Nice ក្នុងឆ្នាំ ២០១៩។ គាត់ក៏ធ្លាប់បានបង្ហាញខ្លួនក្នុងឈុតធំសម្រាប់ក្រុមជម្រើសជាតិបារាំងដែលប៉ះហូឡង់ក្នុងឆ្នាំ២០២៣។
ប្រភព បរទេស