- wolf246@gmail.com
Cristiano Ronaldo ត្រឡប់មកហ្វឹកហាត់វិញជាមួយនឹងស្នាមជាំខ្មៅលើភ្នែក
- Tuesday 27 September 2022
- 08:59 AM
Cristiano Ronaldo ត្រូវបានគេថតបានពេលហ្វឹកហាត់ដោយមានស្នាមជាំខ្មៅលើភ្នែក និងស្នាមលើមុខ ក្រោយពីរបួសក្នុងការប្រកួតថ្ងៃមុន។
តារាឆ្នើមរបស់ក្រុម Manchester United រូបនេះបានហូរឈាមលើច្រមុះ បន្ទាប់ពីបានប៉ះទង្គិចជាមួយអ្នកចាំទី Tomas Vaclik របស់សាធារណរដ្ឋឆេក។
អ្នកទាំងពីរបានលោតទៅលើអាកាស ហើយដៃរបស់ Tomas បានវាយចំមុខ Ronaldo ធ្វើឲ្យគាត់ដួលនៅលើទីលាន ចេញឈាមពេញមុខ ដែលតម្រូវអោយក្រុមគ្រូពេទ្យសង្គ្រោះជាបន្ទាន់។
នៅទីបំផុតគាត់បានងើបឡើងវិញ ហើយបន្តការប្រកួតរហូតដល់ចប់ ដោយមានស្នាមរបួសនៅលើច្រមុះរបស់គាត់។
ព័រទុយហ្គាល់បានបន្តឈ្នះក្នុងការប្រកួតនេះ ០-៤ ប៉ុន្តែ Ronaldo មិនបានស៊ុតបញ្ចូលទី និងបង្កអោយមានបាល់ប៉េណាល់ទីដែលត្រូវបានខកខានស៊ុតបញ្ចូលទីដោយកីឡាករ Patrik Schick។
ទោះបីជាគាត់របួសក៏ដោយ Ronaldo នៅតែហ្វឹកហាត់ជាមួយក្រុម ហើយត្រូវបានគេរំពឹងថានឹងដឹកនាំក្រុមក្នុងការប្រកួតចុងក្រោយរបស់ប្រទេសរបស់គាត់មុនពេលការប្រកួត World Cup ទល់នឹងអេស្ប៉ាញក្នុងពាន Nations League៕
ប្រភព៖ The Sun