- wolf246@gmail.com
ប្រធាន FIFA ចាត់ទុក Real Madrid ជាក្លឹបល្អបំផុតលើលោក
- Tuesday 31 May 2022
- 02:36 PM
លោក Gianni Infantino ប្រធាន FIFA បានចាត់ទុកក្រុម Real Madrid ថាជាក្លឹបល្អបំផុតនៅលើលោកនេះ ក្រោយពីពួកគេយកឈ្នះក្រុម Liverpool បាន១-០ លើកពានរង្វាន់ UEFA Champions League។
ក្រុម Real Madrid នារដូវកាលនេះ ប៉ះក្រុមខ្លាំងៗច្រើនណាស់មុនឈ្នះពានរង្វាន់ UEFA Champions League នេះ។ ដោយពួកគេជាអ្នកទម្លាក់ក្រុម PSG ទម្លាក់ Chelsea ទម្លាក់ Manchester City ហើយចុងក្រោយនេះមកទម្លាក់ក្រុម Liverpool ថែមទៀត។ ការឆ្លងកាត់ការប្រកួតលំបាកៗនេះហើយ ទើបបានជាលោក Infantino បានចាត់ទុកថាក្លឹប Real Madrid គឺជាក្លឹបជោគជ័យបំផុតហើយនៅលើលោកនេះ។
លោក Infantino បាននិយាយថា៖ “ពួកគេជាក្លឹបល្អបំផុតនៅលើលោកនេះ។ ខ្ញុំសង្ឃឹមថានៅឆ្នាំណាមួយ ពួកគេនឹងឱ្យក្រុមដទៃឈ្នះពានខ្លះ។ ទាំងកីឡាករ ទាំងគ្រូបង្វឹកសុទ្ធតែអស្ចារ្យ។ វាមិនងាយទេក្នុងការឈ្នះការប្រកួតបែបនេះ ប៉ុន្តែចុងក្រោយពួកគេនៅតែលេងបានល្អ និងឈ្នះដដែល។ Real Madrid គឺជាក្លឹបល្អបំផុត”៕ ប្រភព ៖ marca
