- wolf246@gmail.com
មិនទាន់លេងផង ខ្សែប្រយុទ្ធបារាំងម្នាក់បានរងរបួសពេលហ្វឹកហាត់ទៅហើយ
- Wednesday 16 November 2022
- 10:07 AM
ការប្រកួត World Cup មិនទាន់ចូលមកដល់ផង តែពេលនេះខ្សែប្រយុទ្ធ Christopher Nkunku របស់ក្រុមជម្រើសជាតិបារាំងបានរងរបួសជើងទៅហើយអំឡុងការហ្វឹកហាត់។
Christopher Nkunku ជាខ្សែប្រយុទ្ធលេងឱ្យក្លឹបអាជីព RB Leipzig និងបច្ចុប្បន្នជា Top Scorer នៅលីគកំពូលអាល្លឺម៉ង់ផងដែរ ដោយរកបាន១២គ្រាប់ក្នុងការលេង១៥ប្រកួត។ មានឱកាសជាប់ជម្រើសជាតិបារាំងលេងពានរង្វាន់ World Cup ទៅហើយ ប៉ុន្តែកីឡាករវ័យ២៥ឆ្នាំនេះបែរជាមានបញ្ហារបួសទៅវិញពេលហ្វឹកហាត់ដែលធ្វើឱ្យរូបគេមិនអាចបន្ដក្នុងក្រុមទៀតនោះទេ។
ក្រុមបារាំងនឹងត្រូវកោះហៅកីឡាករម្នាក់ថ្មីទៀតមកបំពេញកន្លែងដែលកីឡាកររបួសនេះ។ វាជាសញ្ញាមិនល្អសោះសម្រាប់ក្រុមការពារតំណែងជើងឯកបារាំង ត្បិតអីពួកគេមានកីឡាកររបួសច្រើនហើយ ទម្រង់លេងមិនក៏សូវជាបានល្អទៀតនៅប៉ុន្មានប្រកួតចុងក្រោយនេះ៕