- wolf246@gmail.com
Griezmann: My second goal was to copy Messi
- Tuesday 27 August 2019
- 07:26 PM
Antoine Griezmann រកបាន២គ្រាប់នៅទឹកដី Camp Nou ជួយក្រុម Barcelona ឈ្នះក្រុម Real Betis ក្នុងលទ្ធផល ៥-២ ក្នុងសប្ដាហ៍ទី ២លីគអេស្ប៉ាញ។
២គ្រាប់នេះដែរ បានធ្វើឱ្យអ្នកគាំទ្រក្រុមអ្នកមានបុណ្យស្ងប់ចិត្តហើយ ក្រោយពីប្រកួតដំបូងរបស់គេធ្វើមិនបានល្អ។ Griezmann បាននិយាយក្រោយចប់ការប្រកួតថា៖ “ខ្ញុំសប្បាយចិត្តប្រកួតនេះ។ គ្រាប់ទី២របស់ខ្ញុំ ខ្ញុំយកគំរូតាម Messi ដែលឃើញគាត់ធ្វើបាននៅពេលហ្វឹកហាត់។ ការអបអរ? ខ្ញុំធ្វើតាម Lebron James ។ ខ្ញុំដឹងថាកាលពីចាញ់ប្រកួតដំបូង មានអ្នកគាំទ្រច្រើនមិនពេញចិត្ត យើងបានខំប្រឹងប្រែងបន្ដ ហើយជ័យជម្នះនេះខ្ញុំសង្ឃឹមថាពួកគេសប្បាយចិត្ត”។
ក្រុម Barcelona អវត្តមានកីឡាករសំខាន់ដល់៣នាក់កាលពីប្រកួតយប់មិញនេះ គឺ Messi , Suarez និង Dembele។ ដូច្នេះហើយ ទើបលោក Valverde បានផ្ដល់ឱកាសដល់កីឡាករបម្រុងនិងចំណូលថ្មីឱ្យចូលលេង ហើយលទ្ធផលក៏ទទួលបានជាទីគាប់ចិត្តថែមទៀត៕ប្រភព៖ Marca
