- wolf246@gmail.com
Hazard: I would be happy if Mbappe were to come to Real Madrid
- Wednesday 27 November 2019
- 12:59 AM
ខ្សែបម្រើប្រយុទ្ធ Eden Hazard សរសើរសមត្ថភាពរបស់ខ្សែប្រយុទ្ធ Mbappe ហើយពិតជាសប្បាយចិត្តប្រសិនបើកីឡាករបារាំងនេះ បានមកលេងនៅក្លឹបReal Madrid ។
Hazard ខ្សែបម្រើទើបទិញចូលរបស់ក្រុម Real Madrid នៅមិនទាន់បង្ហាញសមត្ថភាពលេចធ្លោនៅឡើយទេ ឆ្លងកាត់ជាង១០ប្រកួតមកនេះ។ យ៉ាងណាក្ដី រូបគេនៅតែមានជំនឿចិត្តលើខ្លួនឯងថានឹងអាចល្អប្រសើរនៅពេលខាងមុខមិនខាន។ ដោយឡែកសម្រាប់រឿងក្រុម Real Madrid ចង់បាន Mbappe មកលេងក្នុងក្រុមបន្ថែមទៀតនោះ Hazard ក៏បានបង្ហាញពីចំណាប់អារម្មណ៍ផ្ទាល់ខ្លួនដែរ។
អតីតកីឡាករ Chelsea បាននិយាយដូច្នេះថា៖ “នៅពេលបន្តិចទៀតនេះ គាត់នឹងក្លាយជាកីឡាករល្អបំផុតនៅលើលោកនេះ។ ប្រសិនបើគាត់ប្រឹងប្រែងបន្ដទៀត គ្មានអ្វីជាឧបសគ្គសម្រាប់គាត់ឡើយ។ ខ្ញុំសប្បាយចិត្តប្រសិនបើក្រុមយើងបានគាត់មករួមជាសមាជិក។ ការបានលេងជាមួយកីឡាករដែលល្អៗបំផុត វាជាក្ដីស្រមៃរបស់កីឡាករគ្រប់រូប”៕ប្រភព៖ Dailymail
