- wolf246@gmail.com
Jesus ៖ខ្ញុំចង់ឈ្នះគ្រប់យ៉ាងជាមួយក្រុម Arsenal
- Saturday 09 July 2022
- 11:28 AM
ខ្សែប្រយុទ្ធ Gabriel Jesus បាននិយាយថារូបគេនឹងខិតខំប្រឹងប្រែង ដើម្បីបានឈ្នះពានរង្វាន់គ្រប់យ៉ាងជាមួយក្រុមកាំភ្លើងធំ Arsenal អំឡុងពេលរូបគេលេងនៅទីនេះ។
Jesus ត្រូវបានក្រុមរបស់លោក Mikel Arteta ទិញយកពីក្រុម Manchester City មកក្នុងតម្លៃខ្លួន៤៥លានផោន។ វត្ដមានរបស់ខ្សែប្រយុទ្ធកណ្ដាលរបស់ប្រេស៊ីលរូបនេះ នឹងបន្ថែមកម្លាំងប្រយុទ្ធបន្ថែមទៀតឱ្យក្រុមសម្រាប់រដូវកាលថ្មីខាងមុខនេះ។ ខណៈដែលលោក Arteta វិញក៏កំពុងស្វែងរកកីឡាករថ្មីបន្ថែមទៀតដើម្បីពង្រឹងក្រុមផងដែរ។
ក្រោយពីបង្ហាញខ្លួនជាផ្លូវការជាមួយក្រុមកាំភ្លើងធំហើយ Jesus បានបង្ហាញចំណាប់អារម្មណ៍ថា៖ “ខ្ញុំចូលចិត្តការងារអ្វីដែលមានគោលដៅច្បាស់លាស់។ ពេល Arsenal មកចរចាជាមួយខ្ញុំ ខ្ញុំសប្បាយចិត្តចំពោះអ្វីដែលពួកគេនឹងធ្វើទៅថ្ងៃអនាគត។ ខ្ញុំចង់ឈ្នះគ្រប់យ៉ាងជាមួយក្រុមនេះ ខ្ញុំនឹងផ្ដល់ឱ្យក្រុម១០០%។ នៅទីនេះមានកីឡាករក្មេងៗដែលមានគុណភាពច្រើន ដូចជាខ្ញុំជាដើម ខ្ញុំនៅក្មេង ខ្ញុំចង់ឈ្នះការប្រកួត ចង់ប្រកួតប្រជែង”៕ ប្រភព ៖ goal
