- wolf246@gmail.com
Joe Biden ទូរសព្ទប្រាប់កីឡាករអាមេរិក ឱ្យប្រឹងប្រែងព្រោះលេងតំណាងជាតិ
- Monday 21 November 2022
- 01:46 PM
លោកប្រធានាធិបតីអាមេរិក Joe Biden បានទូរសព្ទទៅប្រាប់សមាជិកកីឡាករក្នុងក្រុមជម្រើសជាតិអាមេរិកទាំងអស់ថាត្រូវតែប្រឹងប្រែង ព្រោះលេងតំណាងជាតិ និងប្រជាជនទូរទាំងប្រទេសគាំទ្រនៅពីក្រោយជានិច្ច។
សហរដ្ឋអាមេរិក នឹងធ្វើការប្រកួតបើកឆាក World Cup 2022 នៅរាត្រីនេះហើយ ដោយប៉ះជាមួយក្រុមជម្រើសជាតិវែលនៅវេលាម៉ោង២រំលងអាធ្រាត្រ។ ជំនួបនេះដែរ ក្រុមទាំងពីរត្រូវបានគេមើលឃើញថាមានគីឡូស្មើគ្នាល្អណាស់ និងពិបាកស្មានថាក្រុមណាមានប្រៀបជាងក្រុមណាស់។ ដោយឡែកមុនការប្រកួតចាប់ផ្ដើម ក្រុមអាមេរិក ក៏ទទួលបានការទូរសព្ទលើកទឹកចិត្តពីប្រធានាធិបតីអាមេរិកលោក Joe Biden ផងដែរ។
ប្រធានាធិបតីចាស់ជាងគេក្នុងប្រវត្តិសាស្ត្រអាមេរិកនេះបានទូរសព្ទទៅប្រាប់កីឡាករអាមេរិកថា៖ “ខ្ញុំដឹងពីអ្នកគ្រប់គ្នាថាប្រឹងប្រែងប៉ុណ្ណា ប៉ុន្តែខ្ញុំសូមប្រាប់ទៅវិញថា អ្នកមានកីឡាករល្អបំផុតក្នុងក្រុមលេងតំណាងជាតិហើយ អ្នកកំពុងតំណាងពលរដ្ឋអាមេរិកគ្រប់គ្នា ហើយអ្នកនឹងលេងចេញពីបេះដូងផ្ទាល់តែម្ដង។ សូមចេញទៅ និងធ្វើឱ្យគ្រប់គ្នាភ្ញាក់ផ្អើលជាមួយសមត្ថភាពរបស់អ្នក”៕