- wolf246@gmail.com
Jose: 50-year-old Ronaldo still scores
- Sunday 15 September 2019
- 11:54 AM
លោក Jose Mourinho បានបញ្ជាក់ថា Cristiano Ronaldo ជាកីឡាករបាល់ទាត់គ្មានអ្នកប្រៀបដូច រូបគេនៅតែបន្ដរកគ្រាប់បាល់ទោះអាយុច្រើន ហើយនៅវ័យ៥០ឆ្នាំក៏នៅតែរកបានដដែល។
Jose បាននិយាយក្នុងសន្និសីទកាសែតកាលពីម្សិលមិញនេះថាអំឡុងពេលដឹកនាំក្រុម Real Madrid គឺជាពេលវេលាមួយដែលគួរឱ្យចងចាំ។ មានរឿងជាច្រើនបានកើតឡើងអំឡុងពេលនោះ ហើយលោកក៏បានរៀនសូត្រពីវាច្រើនផងដែរ។ ការដឹកនាំក្រុម Real Madrid គឺជាការចងចាំល្អមួយក្នុងអាជីពជាគ្រូបង្វឹករបស់លោក។
អតីតអ្នកចាត់ការក្រុម Chelsea និង Man Utd ខាងលើនេះក៏បាននិយាយពីកីឡាករ Ronaldo ផងដែរថា៖ “គាត់ជាកីឡាករម្នាក់ដែលគ្មានអ្នកជំនួសបាន។ ម្នាក់ដែលគិតតែពីចង់ឈ្នះ និងចង់ធ្វើឱ្យបានល្អបំផុតរហូត។ នេះជាហេតុផលដែលខ្ញុំមិនភ្ញាក់ផ្អើលចំពោះអ្វីដែលគាត់ធ្វើនោះទេ។ នៅពេលគាត់វ័យ៥០ឆ្នាំ គាត់នឹងនៅផ្ទះ ហើយ FIFA នឹងអញ្ជើញគាត់មកលេងប្រកួត Legend ។ នៅគ្រានោះ គាត់នឹងនៅតែរកគ្រាប់បាល់បានដដែល”៕ប្រភព៖ Dailymail
