- wolf246@gmail.com
Kane: I believe Jose will bring the title to Spurs
- Wednesday 27 November 2019
- 01:09 AM
លោក Jose Mourinho បានដឹកនាំប្រកួតដំបូងនៅក្រុម Spurs ដោយទទួលជោគជ័យក្រៅដី លើក្រុម West Ham ក្នុងលទ្ធផល ៣-២ កាលពីចុងសប្ដាហ៍កន្លងទៅ។
នេះជាការប្រកួតឈ្នះក្រៅដីនៅ Premier League លើកដំបូងរបស់ក្រុម Spurs ក្នុងរយៈពេល១០ខែកន្លងមកនេះ។ ហើយទម្រង់លេងរបស់ក្រុមក្រោមការដឹកនាំរបស់លោក Jose ផ្ទាល់ ក៏ទទួលបានការសាទរពីសំណាក់អ្នកគាំទ្រច្រើនផងដែរ ត្បិតអីមិនទាន់បានលទ្ធផលធំខ្លាំងក៏ដោយ។
ប្រធានក្រុម Harry Kane ក្រោមការដឹកនាំរបស់លោក Jose ក៏បានបង្ហាញចំណាប់អារម្មណ៍ដែរថា៖ “ខ្ញុំចង់បញ្ជាក់ឱ្យច្បាស់ថា ខ្ញុំចង់ឈ្នះពានរង្វាន់ជាមួយក្រុម Spurs ។ យើងទាំងអស់គ្នាចង់ឈ្នះពានរង្វាន់ ហើយពេល Mourinho មកដល់ យើងនៅតែបន្ដចង់ឈ្នះពានរង្វាន់កាន់តែខ្លាំង។ វត្តមានរបស់លោក បានផ្ដល់ទំនុកចិត្តដល់ក្រុមទាំងមូល។ វាជារឿងសំខាន់ ដើម្បីទុកចិត្តលើខ្លួនឯងថានឹងឈ្នះពានរង្វាន់បាន”៕ប្រភព៖ Dailymail
