- wolf246@gmail.com
Manchester United បញ្ជាក់ពីអត្ថន័យនៃការអបអរថ្មីរបស់ Cristiano Ronaldo ពេលស៊ុតចូល Everton
- Thursday 13 October 2022
- 02:44 PM
Ronaldo មិនបានអបអរគ្រាប់បាល់ Siuuu របស់គាត់ដូចរាល់ដងនោះទេ ក្នុងពេលដែលគាត់ស៊ុតគ្រាប់ទី ៧០០ សម្រាប់ក្លឹបនៅ Goodison Park ដោយគាត់បានអបអរស្ទីលថ្មីមួយទៀត។
ផ្ទុយទៅវិញ កីឡាករវ័យ ៣៧ ឆ្នាំរូបនេះបានអបអរដោយយកម្រាមដៃប្រទាក់គ្នា ហើយដាក់លើទ្រូង ឈរត្រង់ខ្លួន និងបិទភ្នែកបន្តិច ខណៈដែលមិត្តរួមក្រុមចំណូលថ្មី Antony ក៏បានធ្វើតាមផងដែរ។
នៅលើគេហទំព័រផ្លូវការរបស់ក្លឹប ពួកគេបានពន្យល់ថា “ឥឡូវនេះ យើងអាចបង្ហាញបានថា ការអបអររបស់ Ronaldo គឺជាការនិយាយលេងសើចជាមួយមិត្តរួមក្រុមរបស់គាត់ ដោយបង្ហាញពីទំនាក់ទំនងដ៏រឹងមាំក្នុងចំណោមកីឡាករនៅក្នុងក្រុមរបស់ Erik ten Hag”។
“ជាការពិតណាស់ Cristiano មានភាពល្បីល្បាញខាងពូកែថែរក្សារាងកាយខ្លួន និងធានាថាគាត់តែងតែស្ថិតក្នុងស្ថានភាពល្អបំផុត ដែលជាធម្មតាពាក់ព័ន្ធនឹងការខិតខំប្រឹងប្រែងជាច្រើនម៉ោងនៅលើទីលានហ្វឹកហាត់ និងនៅក្នុងកន្លែងហាត់ប្រាណ។ វាក៏រួមបញ្ចូលផងដែរនូវការសម្រាកម៉ោងពេលត្រឹមត្រូវ និងធានាថាគាត់មានការគេងគ្រប់គ្រាន់ដើម្បីជួយឲ្យឆាប់ជាសះស្បើយ៖ វាត្រូវបានគេរាយការណ៍ថា Ronaldo គេងច្រើនដងក្នុងមួយថ្ងៃ! ការអបអររបស់ CR7 នៅ Everton គឺសំដៅទៅពេលដែលគាត់ដេកនៅពេលធ្វើដំណើរជាមួយមិត្តរួមក្រុម ហើយមិត្តរួមក្រុមដទៃទៀតមិនបានចាប់អារម្មណ៍ពេលគាត់ដេកនោះទេ”៕
ប្រភព៖ Manchester United