- wolf246@gmail.com
Manchester United នឹងពិចារណាអនុញ្ញាតឱ្យ Cristiano Ronaldo ចាកចេញដោយគ្មានតម្លៃខ្លួនក្នុងខែមករាខាងមុខ
- Friday 21 October 2022
- 02:24 PM
Manchester United ត្រូវបានគេរាយការណ៍ថាបានត្រៀមខ្លួនរួចជាស្រេចក្នុងការដោះលែងកីឡាករ Cristiano Ronaldo ដោយគ្មានតម្លៃខ្លួនក្នុងខែមករាខាងមុខ ប្រសិនបើមិនអាចលក់គាត់ចេញបាន ក្រោយទទួលរងការរិះគន់សារជាថ្មីអំឡុងពេលប្រកួតទល់នឹង Tottenham នៅយប់ថ្ងៃពុធ។
Ronaldo បានចាកចេញពី Old Trafford មុនពេលបញ្ចប់ការទទួលជ័យជម្នះ ២-០ លើក្រុម Spurs ដែលជាទង្វើដែលធ្វើឲ្យមនុស្សជាច្រើនខឹងសម្បារ ដោយ Erik ten Hag សន្យាថានឹងដោះស្រាយបញ្ហានេះពេលក្រោយ ក្នុងពេលភ្លាមៗនោះ។
កាលពីល្ងាចថ្ងៃព្រហស្បតិ៍ United បានចេញសេចក្តីថ្លែងការណ៍មួយដោយនិយាយថា Ronaldo នឹងមិនក្លាយជាផ្នែកនៃក្រុមក្នុងការប្រកួតរបស់ពួកគេនៅថ្ងៃសៅរ៍ទល់នឹង Chelsea ឡើយ។
មើលទៅទំនងជាខ្សែប្រយុទ្ធព័រទុយហ្គាល់បានលេងការប្រកួតចុងក្រោយរបស់គាត់សម្រាប់បិសាចក្រហមរួចហើយ ហើយបើយោងតាមរបាយការណ៍ United កំពុងពិចារណាកាត់បន្ថយការចំណាយលើអតីតកីឡាកររបស់ពួកគេផងដែរ។
ក្លឹបនឹងលុបចោលកិច្ចសន្យារបស់កីឡាករវ័យ ៣៧ឆ្នាំរូបនេះ ប្រសិនបើភ្នាក់ងាររបស់គាត់ Jorge Mendes មិនអាចស្វែងរកក្លឹបថ្មីអោយគាត់ក្នុងទីផ្សារដោះដូរកីឡាករខែមករា។
Ronaldo បានព្យាយាមចាកចេញពី Manchester United នៅរដូវក្តៅមុននេះ បន្ទាប់ពី United បរាជ័យក្នុងការប្រកួត Champions League ហើយត្រូវបានផ្សារភ្ជាប់ជាមួយនឹងក្លឹបជាច្រើនរួមមាន Chelsea, Sporting Lisbon, Roma និងក្លឹបអារ៉ាប៊ីសាអូឌីតមួយចំនួនផងដែរ ប៉ុន្តែទីបំផុតបរាជ័យក្នុងការចាកចេញ៕
ប្រភព៖ Metro