- wolf246@gmail.com
Napoli បង្ហាញសាច់ដុំ លត់ក្រុម Ajax ៦-១ បន្ដកំណត់ត្រាឈ្នះ១០០%នៅ UCL
- Wednesday 05 October 2022
- 01:58 PM
Napoli កំពុងបង្កព្យុះភ្លៀងខ្លាំងក្នុងពានរង្វាន់ UEFA Champions League ដោយយប់មិញនេះទៅលត់ក្រុម Ajax ដល់ផ្ទះបានដល់ទៅ ៦-១ ឯណោះ។
ក្នុងការប្រកួតសប្ដាហ៍ទី៣នៃការសន្សំពិន្ទុពានរង្វាន់ UEFA Champions League នេះដែរ ក្រុម Ajax រកបានគ្រាប់បាល់នាំមុខមុនទៅលើក្រុម Napoli ទៅហើយតាំងពីនាទី៩ ប៉ុន្តែក៏ត្រូវក្រុមភ្ញៀវតាមស្មើវិញបាននិងរកគ្រាប់បាល់ជ័យជម្នះជាបន្ដបន្ទាប់រហូតដល់ទៅ៦គ្រាប់វិញឯណោះ។ ចប់ការប្រកួត Ajax បរាជ័យយ៉ាងអាម៉ាសក្នុងទឹកដីខ្លួនឯង ដោយលេងចាញ់ក្រុមជើងខ្លាំង Napoli ក្នុងលទ្ធផល ៦-១។
ការបន្ថែម៣ពិន្ទុនេះទៀតដែរ ក្រុមកំពូលតារាង Serie A ខាងលើឈរនៅលេខ១ក្នុងពូល A ដោយលេង៣ប្រកួតឈ្នះទាំង៣ប្រកួត មាន៩ពិន្ទុពេញ។ ក្រុមលេខ២ Liverpool មាន៦ពិន្ទុ ក្រុមលេខ៣ Ajax មាន៣ពិន្ទុ និងក្រុម Rangers នៅបាតតារាងមិនទាន់មានពិន្ទុនោះទេ៕