- wolf246@gmail.com
មិនទាន់មានថវិការកាន់ក្នុងដៃផង តែម្នាក់ចង់បាន Diaz ម្នាក់ទៀតចង់បាន Williams រវាងថ្នាក់ដឹកនាំ Barcelona
- Saturday 29 June 2024
- 08:24 PM
Barcelona ត្រូវបានផ្សារភ្ជាប់យ៉ាងខ្លាំងជាមួយនឹងការចុះហត្ថលេខាលើខ្សែបម្រើស្លាបឆ្វេងនៅរដូវក្តៅនេះ ដោយមិនមានកីឡាករណាធ្លាប់ធ្វើប្រតិបត្តិការបានល្អនៅតំបន់នោះក្នុងក្រុមរបស់ពួកគេនៅឡើយទេ បើទោះបីជា Raphinha, Joao Felix និង Ansu Fati សុទ្ធតែបានលេងនៅទីនោះជាទៀងទាត់ក៏ដោយ កីឡាករដែលកំពុងចាប់អារម្មណ៍ខ្លាំងនោះគឺ Luis Diaz របស់ Liverpool និង Nico Williams របស់ Athletic Club ។
បើគិតពីតម្លៃអ្នកទាំងពីរនេះ វាជាខ្សែបន្ទាត់ស្របគ្នាដែលនឹងមិនអាចជួបគ្នាបានឡើយ លុះត្រាតែមានរបាយការណ៍លក់ដែល Barcelona ធានា ហើយក្នុងករណីនេះ គន្លឹះសំខាន់គឺការចាកចេញរបស់ Raphinha។ ទោះបីជាយ៉ាងណាក៏ដោយការជជែកដេញដោលរវាង Diaz និង Williams ត្រូវបានឡើងកម្ដៅក្នុងចំណោមអ្នកគាំទ្រ Barcelona និងថ្នាក់ដឹកនាំកំពូលរបស់ក្លឹបផងដែរ មួយត្រូវការអ្នកបទពិសោធន៍ច្រើន និងមួយត្រូវការអ្នករកគ្រាប់បាល់កាន់តែច្រើន មួយទៀតមានបញ្ហានៅតំបន់ការពារ និងកន្លែងទំនេរច្រើនសម្រាប់ថ្នាលយុវជន។
រហូតមកដល់ពេលនេះគឺត្រូវបានបង្ហាញថា ក្លឹបបានសន្មតថា ទាំងនាយកក្លឹប និងប្រហែលជាប្រធានក្លឹប ផងដែរដែលចូលចិត្ត Williams ជាង ខណៈដែលនាយកកីឡាលោក Deco មានអារម្មណ៍ថា Diaz ជាជម្រើសល្អប្រសើរជាងទៅវិញ។ ចំណែកកាសែត Sport ឥឡូវនេះនិយាយថាអ្នកគ្រប់គ្រង Hansi Flick ក៏កំពុងចាប់អារម្មណ៍លើ Williams ដែរ។
បើទោះបីជាមានគំនិតខ្វែងគ្នាចំពោះរឿងនេះក៏ដោយ ក៏ពេលនេះ Barcelona នៅតែមិនទាន់ធានាថាមានថវិការគ្រប់គ្រាន់ក្នុងការនាំយកកីឡាករណាម្នាក់ក្នុងចំណោមពួកគេនៅឡើយទេ គឺទាល់តែមានការផ្ទេរចេញកីឡាករក្នុងក្រុមមួយចំនួនធំសិន ជាពិសេសគឺ Raphinha ដែលជាលុយធំ បន្ទាប់ពីក្លឹប Al Hilal ចង់បានរូបគេក្នុងតម្លៃដ៏ខ្ពស់មួយ។
ប្រភព បរទេស