​មាន​ភារកិច្ច​គឺ​ត្រូវ​តែ​ទទួល មិន​ខ្វល់​ថា​ប្រកួត​នោះ​មិត្តភាព ឬ​ផ្លូវការ ហើយ​កាន់​តែ​សំខាន់​បើ​ជា​ជំនួប​ដណ្តើម​ពាន​ប្រចាំ​ទ្វីប​ដែល​ធ្វើ​ឡើង​រៀងរាល់​បី​ទៅ​បួន​ឆ្នាំ​ម្តង។ គ្រូ​កោះ​ហៅ សិស្ស​ត្រូវ​តែ​ទៅ​ចូលរួម ក៏​អាច​ខកខាន​បាន លុះ​ត្រា​ណា​តែ​ជួប​បញ្ហា​របួស​ឥត​ធ្វើ​ពុត ត្រង់​ហ្នឹង​ហើយ​ជា​ទុក្ខ​ធំ​របស់​ក្លឹប​ដែល​មាន​កីឡាករ​ជាប់​ឈ្មោះ​ទៅ​លេង​ឲ្យ​ជម្រើស​ជាតិ​ពេល​ខាង​មុខ។

​     ការ​ដណ្តើម​ពាន​ប្រទេស​ក្នុង​ទ្វីប​អាស៊ី AFC Asian Cup ​កំណត់​ធ្វើ​ឡើង​ពី​ថ្ងៃ​ទី ១២ មករា ដល់ ១០ ​កុម្ភៈ ខណៈ​ក្នុង​ទ្វីប​អាហ្រ្វិក​គឺ Africa Cup of Nations ធ្វើ​ឡើង​ពី​ថ្ងៃ​ទី ១៣ មករា ​ដល់ ១១ ​កុម្ភៈ។ រាប់​ទៅ​កីឡាករ​ដែល​ជាប់​ភារកិច្ច នឹង​ត្រូវ​ដក​ឃ្លា​ពី​ការ​លេង​ឲ្យ​ក្លឹប​ជាង​មួយ​ខែ នេះ​បើ​នៅ​ក្លឹប​គ្មាន​កាលវិភាគ​ប្រកួត​ក៏​មិន​អី តែ​ផ្ទុយ​ទៅ​វិញ ងាក​មក​ក្លឹប​នៅ​អង់គ្លេស​ជា​ដើម គឺ​ប៉ះពាល់​ខ្លាំង​ណាស់ ត្រង់ខាត ៤ ទៅ ៥ ប្រកួត។

បង្ហាញ​ក្លឹប​ទាំង ២០ ដែល​ត្រូវ​របូត​កីឡាករ​ទៅ​ឲ្យ​ជម្រើស​ជាតិ ហើយ​មាន ៣ ក្លឹប​គត់ ឥត​របូត​សូម្បី​មួយ និង​មាន​មួយ​ក្លឹប​នោះ​របូត​ច្រើន​ជាង​គេ៖

Arsenal – ត្រូវ​អវត្តមាន​ ២ រូប ខ្សែ​បម្រើ Mohamed Elneny ទៅ​ជួយ​អេហ្សីប និង​ខ្សែ​ការពារ Takehiro Tomiyasu ទៅ​ជួយ​ជប៉ុន

Aston Villa – ត្រូវ​អវត្តមាន ១ រូប ខ្សែ​បម្រើ Bertrand Traore ទៅ​ជួយ​ប៊ូគីណាហ្វាសូ​

Bournemouth – ត្រូវ​អវត្តមាន ២ រូប ខ្សែ​ប្រយុទ្ធ Dango Ouattara ទៅ​ជួយ​ប៊ូគីណាហ្វាសូ និង Antoine Semenyo ទៅ​ជួយ​ហ្គាណា (បញ្ជាក់៖ តែ​បច្ចុប្បន្ន​គេ​ខ្ចី​ជើង​ឲ្យ Leeds នៅ Championship)

Brentford – ត្រូវ​អវត្តមាន ៤ រូប ខ្សែ​ប្រយុទ្ធ Saman Ghoddos ទៅ​ជួយ​អ៊ីរ៉ង់, ខ្សែ​ការពារ Kim Ji-soo ទៅ​ជួយ​កូរ៉េ​ខាង​ត្បូង, ខ្សែ​បម្រើ Frank Onyeka ទៅ​ជួយ​នីហ្សេរីយ៉ា និង Yoane Wissa ទៅ​ជួយ​កុងហ្គោ

Brighton – ត្រូវ​អវត្តមាន ២ រូប ​ខ្សែ​ប្រយុទ្ធ Simon Adingra ទៅ​ជួយ​កូឌីវ័រ ​និង​ខ្សែ​បម្រើ Kaoru Mitoma ទៅ​ជួយ​ជប៉ុន

Burnley – ត្រូវ​អវត្តមាន​កីឡាករ ០ រូប

Chelsea – ត្រូវ​អវត្តមាន​ ១ រូប ខ្សែ​ប្រយុទ្ធ Nicolas Jackson ទៅ​ជួយ​សេណេហ្គាល់

Crystal Palace – ត្រូវ​អវត្តមាន ​១ រូប ខ្សែ​ប្រយុទ្ធ Jordan Ayew ​ទៅ​ជួយ​ហ្គាណា

Everton – ត្រូវ​អវត្តមាន ១ រូប ខ្សែ​បម្រើ Idrissa Gueye ទៅ​ជួយ​សេណេហ្គាល់

Fulham – ត្រូវ​អវត្តមាន ៣ រូប ​ខ្សែ​ការពារ Fode Ballo-Toure ទៅ​ជួយ​សេណេហ្គាល់, ខ្សែ​ការពារ Calvin Bassey ​និង​ខ្សែ​ប្រយុទ្ធ Alex Iwobi ទៅ​ជួយ​នីហ្សេរីយ៉ា

Liverpool – ត្រូវ​អវត្តមាន ២ រូប ខ្សែ​បម្រើ Wataru Endo ទៅ​ជួយ​ជប៉ុន និង​ខ្សែ​ប្រយុទ្ធ Mohamed Salah ទៅ​ជួយ​អេហ្សីប

Lutton Town – ត្រូវ​អវត្តមាន ១ រូប ខ្សែ​ការពារ Issa Kabore ទៅ​ជួយ​ប៊ូគីណាហ្វាសូ

Man City – ត្រូវ​អវត្តមាន ០ រូប

Man Utd – ត្រូវ​អវត្តមាន​ ២ រូប ខ្សែ​បម្រើ Sofyan Amrabat ទៅ​ជួយ​ម៉ារ៉ុក និង​អ្នកចាំទី Andre Onana ទៅ​ជួយ​កាមេរ៉ូន

Newcastle Utd – ត្រូវ​អវត្តមាន ០ រូប

Nottingham Forest – ត្រូវ​អវត្តមាន​ ៦ រូប ខ្សែ​ការពារ Ole Aina ​ទៅ​ជួយ​នីហ្សេរីយ៉ា, Serge Aurier និង Willy Boly ទៅ​ជួយ​កូឌីវ័រ, ខ្សែ​បម្រើ Cheikhou Kouyate និង​ខ្សែ​ការពារ Moussa Niakhate ទៅ​ជួយ​សេណេហ្គាល់ និង​ខ្សែ​បម្រើ Ibrahim Sangare ទៅ​ជួយ​កូឌីវ័រ

Sheffield Utd – ត្រូវ​អវត្តមាន ២ រូប ខ្សែ​ការពារ Yasser Larouci ​ទៅ​ជួយ​អាល់ហ្សេរី និង​ខ្សែ​បម្រើ Anis Slimane ទៅ​ជួយ​ទុយណេស៊ី

Tottenham Hotspur – ត្រូវ​អវត្តមាន ៣ រូប ខ្សែ​ការពារ Yves Bissouma ​ទៅ​ជួយ​ម៉ាលី, ខ្សែ​បម្រើ Pape Matar Sarr ទៅ​ជួយ​សេណេហ្គាល់ និង​ខ្សែ​ប្រយុទ្ធ Son Heung-min ទៅ​ជួយ​កូរ៉េ​ខាង​ត្បូង

West Ham – ត្រូវ​អវត្តមាន ២ រូប ​ខ្សែ​ការពារ Nayef Aguerd ទៅ​ជួយ​ម៉ារ៉ុក ​និង​ខ្សែ​បម្រើ Mohammed Kudus ទៅ​ជួយ​ហ្គាណា

Wolves – ត្រូវ​អវត្តមាន ៤ រូប ខ្សែ​បម្រើ Boubacar Traore ​ទៅ​ជួយ​ម៉ាលី, ខ្សែ​ការពារ Rayan Ait-Nouri ទៅ​ជួយ​អាល់ហ្សេរី, Justin Hubner ទៅ​ជួយ​ឥណ្ឌូណេស៊ី និង​ខ្សែ​ប្រយុទ្ធ Hwang Hee-chan ទៅ​ជួយ​កូរ៉េ​ខាង​ត្បូង

     ជា​លទ្ធផល​ដូច​បង្ហាញ​ឃើញ​ថា មាន​តែ​ក្លឹប Burnley, Man City និង Newcastle United ៣ ប៉ុណ្ណោះ ដែល​ឥត​រង​ផល​ប៉ះពាល់​អ្វី​ទាំង​អស់ ក្នុង​បេសកកម្ម​កំឡុង International Break សារ​នេះ។ ខណៈ Nottingham កំពុង​វិល​ក្បុង ត្រង់​អវត្តមាន​ដល់ ៦ រូប នៅ​ចន្លោះ ៥ ប្រកួត​ក្នុង​ដៃ​ត្រៀម​មក​ដល់ ក៏​មាន​ទាំង​ការ​ជួប​គីឡូ​ធ្ងន់ Arsenal នា​ឯ​ចុង​ខែ។

     ដូច​គ្នា​សម្រាប់​បងប្អូន​យើង​ដែល​កំពុង​ស្ថិត​ក្នុង​ការ​ប្រកួតប្រជែង​នៅ CTS Fantasy ​បើ​បាន​ឃើញ​ឈ្មោះ​កីឡាករ​របស់​ខ្លួន ត្រូវ​សម្រាក​ហើយ ក៏​កុំ​ភ្លេច​ឆ្លៀត​ត្រៀម​ចូល Transfer លក់​ចេញ កាត់​កង​ថ្មី​ចូល ឬស្វាគមន៍ការប្រើកាត Wildcard ថ្មី ​ដើម្បី​បន្ត​បេសកកម្ម​យក​ជ័យជម្នះ​ដណ្តើម​រង្វាន់​នៅ​សប្តាហ៍​បន្តបន្ទាប់៕

ប្រភព៖ បរទេស