- wolf246@gmail.com
Pretty girl appearing on the Champions League channel Who is she and what is her position?
- Saturday 10 April 2021
- 07:40 AM
កាលពីប៉ុន្មានថ្ងៃមុននេះ គេប្រទះឃើញទំព័រហ្វេសប៊ុកក្រៅស្រុកមួយបានបង្ហោះចែកចាយនូវរូបភាពនារីម្នាក់ ដែលមានវត្តមានក្នុងកម្មវិធីផ្សាយរបស់ UEFA Champions League ហើយរូបសម្រស់របស់នាងគឺពិតជាស្រស់ស្អាតខ្លាំង។
ពាក់ព័ន្ធនឹងរឿងរ៉ាវនេះ យើងទទួលបានសំណួរជាច្រើនពីអ្នកគាំទ្រលើទំព័រ CTS Sports ដោយចង់ដឹង និងចង់ឲ្យយើងធ្វើការបង្ហាញអំពីនារីដ៏ស្រស់ស្អាតម្នាក់នោះ ថាតើមានទំនាក់ទំនងអ្វីជាមួយនឹងវិស័យកីឡាបាល់ទាត់?
បើតាមការស្រាវជ្រាវស្រីស្អាតម្នាក់នេះ មានឈ្មោះថា Eva Murati ដែលនាងមានអាយុទើបតែ ២៥ ឆ្នាំប៉ុណ្ណោះ ហើយជានារីដ៏ពូកែម្នាក់លើការងារពហុជំនាញ។ Murati កើតនៅថ្ងៃ ២៥ ឧសភា ឆ្នាំ ១៩៩៥ ដែលមានឪពុកជាវេជ្ជបណ្ឌិត និងម្តាយជាវិស្វករ ហើយគ្រួសាររបស់នាងបានផ្លាស់ពីទីក្រុង Elbasan មករស់នៅរដ្ឋធានី Tirana ប្រទេសអាល់បានី នៅពេលនាងមានអាយុ ៦ ឆ្នាំ។
ក្រៅពីសម្រស់ដ៏ស្រស់ស្អាត Murati ត្រូវបានគេជឿថា ជាក្មេងស្រីដែលមានចំណេះដឹងខ្ពង់ខ្ពស់មួយ ហើយសូម្បីតែខ្សែស្រឡាយខាងជីដូនរបស់នាង ក៏មិនធម្មតានោះដែរ ដោយលោកស្រីជាស្ថាបនិកសកលវិទ្យាល័យ Tirana និងធ្លាប់ជាសមាជិកនៃបណ្ឌិត្យសភាវិទ្យាសាស្ត្រប្រចាំប្រទេសអាល់បានី។
Murati បានចាប់ផ្ដើមចេះនិយាយភាសាអ៊ីតាលី និងយល់ច្បាស់ពីវប្បធម៌របស់ប្រទេសមួយនោះ កំឡុងពេលនាងរៀននៅវិទ្យាល័យ ហើយពេលបន្តមកដល់ថ្នាក់មហាវិទ្យាល័យ នាងសម្រេចចាប់យកមុខជំនាញផ្នែកច្បាប់នៅសកលវិទ្យាល័យប្រចាំរដ្ឋ Tirana។ កំឡុងពេលសិក្សា នាងបានចូលរួមជាមួយថ្នាក់សម្តែងប្រចាំសាលា ក៏ដូចជាចូលរួមការប្រកួតប្រជែងនៅកម្មវិធីជាច្រើន រួមមានទាំងលើផ្នែកគណិតវិទ្យានិងចំណេះដឹងទូទៅ ហើយធ្លាប់ទទួលបានចំណាត់ថ្នាក់លេខ ៨ ប្រចាំផ្ទៃប្រទេសថែមទៀតផង។
បង្វែរមកដល់អាជីពរបស់នាង ដូចយើងបានលើកឡើងពីខាងលើ គឺនាងជាស្ត្រីដែលមានពហុជំនាញ ហើយចាប់ផ្តើមអាជីពតាំងពីនៅអាយុ ១៥ ឆ្នាំ ដោយផ្តើមពីការងារជាម៉ូដែល តារាថតស្ពតពាណិជ្ជកម្ម តារាសម្ដែងភាពយន្ត និងអ្នកអធិប្បាយលើប៉ុស្តិ៍ទូរទស្សន៍ជាដើម។
ផ្សាភ្ជាប់មកក្នុងវិស័យបាល់ទាត់ នាងធ្លាប់លេខមុខក្នុងស្ពតផ្សព្វផ្សាយមួយ ដែលគេលើកមកចាក់បញ្ចាំងនៅព្រឹត្តិការណ៍ UEFA Euro ឆ្នាំ ២០១២។ ដោយឡែកនៅព្រឹត្តិការណ៍ឆ្នាំ ២០១៦ នាងត្រូវបានក្រុមហ៊ុន Albtelecom ចាត់តាំងជាអ្នកនាំពាក្យ និងដើរតួជាអ្នកតំណាងក្រុមហ៊ុនសម្រាប់ព្រឹត្តិការណ៍ UEFA Euro នៅឆ្នាំនោះទៀតផង។ ជាងនេះរំលងមកដល់ឆ្នាំ ២០១៧ នាងបានជាប់ឈ្មោះជាស្រ្តីមានអាយុតិចបំផុតត្រឹមតែ ២១ ឆ្នាំ ដែលលេចមុខនៅលើក្របទស្សនាវដ្ដី Living បង្ហាញអំពីកម្មវិធី UEFA Champions League។
ដោយសារមើលឃើញពីទេពកោសល្យ ការខិតខំប្រឹងប្រែង គួបផ្សំនឹងសម្រស់ដ៏ស្រស់សោភារបស់នាងផងនោះ Murati ក៏ទទួលបានឱកាសមកក្លាយជាអ្នករៀបចំនិងជាអ្នកអធិប្បាយលើកម្មវិធី Studio Champions League និង Sports Week លើប៉ុស្តិ៍ទូរទស្សន៍ Tring របស់អាល់បានី ចាប់តាំងពីឆ្នាំ ២០១៧ គ្រាដែលនាងមានអាយុ ២១ ឆ្នាំមកទល់ពេលបច្ចុប្បន្ន។
ន្ថែមនៅជីវិតផ្ទាល់ខ្លួនរបស់នាងបន្តិច Murati ក៏ត្រូវបានគេស្គាល់ថាជាមនុស្សដែលក្លាហាននិងមានឥទ្ធិពលមួយរូបផងដែរ។ ដោយនាងគឺជាស្រ្តីនិយមហើយតែងតែចូលរួមជាអ្នកតស៊ូមតិដើម្បីសមភាពយេនឌ័រ និងជានិច្ចកាលបានចូលរួមលើកស្ទួយលើកិច្ចគាំពារស្រ្តីនៅគ្រប់រូបភាព។ ស្រីស្អាតវ័យ ២៥ ឆ្នាំរូបនេះ អាចនិយាយបាន ៤ ភាសាយ៉ាងស្ទាត់ជំនាញរួមមានអង់គ្លេស អ៊ីតាលី អេស្ប៉ាញ និងបារាំង។ ដើម្បីចង់ស្គាល់ច្បាស់អំពី Murati ប្រិយមិត្តអាចមើលនៅ Comment ខាងក្រោមវីដេអូ ដែលយើងបានចែករំលែកនូវគណនី
Instagram របស់នាងដែលមាន Follower ជិត ៤៨ មុឺននាក់៕