- wolf246@gmail.com
Ramos: Fans should forget about the friendly result
- Tuesday 20 August 2019
- 12:47 AM
ខ្សែការពារ Sergio Ramos ប្រាប់ទៅអ្នកគាំទ្រថាគួរតែបំភ្លេចលទ្ធផលក្នុងការប្រកួតមិត្តភាពកន្លងទៅបានហើយ យោងតាមលទ្ធផលប្រកួតផ្លូវការយប់មិញនេះ។ក្រុម Real Madrid បានយកឈ្នះលើក្រុម Celta Vigo ៣-១ ក្នុងការប្រកួតបើកឆាកលីគកំពូលអេស្ប៉ាញ La Liga នៅយប់មិញនេះ។ ការយកបាន៣ពិន្ទុនេះដែរ ក៏បានធ្វើឱ្យកីឡាករទាំងអស់រីករាយ ហើយក៏បានផ្ដាំទៅអ្នកគាំទ្រថាឈប់រិះគន់ក្រុមទៀតទៅ សម្រាប់ការធ្វើមិនបានល្អក្នុងការប្រកួតមិត្តភាពមុនបើករដូវកាល។
ប្រធានក្រុម Ramos បាននិយាយថា៖ “វាជាការចាប់ផ្ដើមប្រកួតដ៏ល្អសម្រាប់ក្រុមយើង។ បន្ទាប់ពីរងការរិះគន់នៅប្រកួតមិត្តភាព យើងបានត្រលប់មកវិញជាមួយលទ្ធផលល្អ។ ដូចខ្ញុំនិយាយពីមុនមក ការប្រកួតមិត្តភាព យើងមិនប្រឹងប្រែងឱ្យអស់នោះទេ។ វាជាការប្រកួតកម្ដៅសាច់ដុំ យើងតែងផ្ដោតលើការប្រកួតផ្លូវការជាង”៕
