អំឡុងពេលដែល Manchester United នឹងមិនឈរនៅលើផ្លូវក្នុងការចាកចេញរបស់ Marcus Rashford ខណៈដែលខ្លួនគេផ្ទាល់មិនមានគម្រោងចាកចេញពី Old Trafford ទេ។ ខ្សែប្រយុទ្ធជម្រើសជាតិអង់គ្លេស Rashford បានស៊ូទ្រាំនឹងរដូវកាលដ៏លំបាកកាលពីរដូវកាលមុន ដោយស៊ុតបញ្ចូលទីបានត្រឹមតែ ៨គ្រាប់ប៉ុណ្ណោះក្នុងការបង្ហាញខ្លួន ៤៣លើក។ នោះវាពិតជាគ្រប់គ្រាន់ហើយសម្រាប់គាត់ក្នុងការអវត្តមានក្នុងក្រុមជម្រើសជាតិអង់គ្លេសសម្រាប់ព្រឹត្តិការណ៍ Euro ២០២៤ ដោយគ្រូបង្វឹកជម្រើសជាតិអង់គ្លេសលោក Gareth Southgate នឹងចូលរួមជាមួយកីឡាករណាដែលបង្ហាញទម្រង់លេងដ៏ល្អប្រសើរសម្រាប់ក្លឹបរបស់ពួកគេ។

     Man United មានកីឡាករចំនួន ៧នាក់ ដែលត្រូវបានក្លឹបចាក់សោរទុក និងមិនអាចលក់បានឡើយ ប៉ុន្តែ Rashford មិនស្ថិតក្នុងចំណោមចំនួននោះទេ។ អ្នកចាំទី Andre Onana ត្រូវបានចូលរួមនៅក្នុងបញ្ជីនេះ ចំណែក Diogo Dalot, Lisandro Martinez, Kobbie Mainoo, Alejandro Garnacho, Amad Diallo និង Rasmus Hojlund និងជាមួយកីឡាករដែលលេងបានល្អមួយចំនួនទៀត។ មានមតិខ្លះបានលើកឡើងថាការចាកចេញរបស់ Rashford ពី Old Trafford អាចជាអ្វីដែលគាត់ត្រូវការដើម្បីធ្វើឱ្យអាជីពរបស់គាត់រស់ឡើងវិញសម្រាប់ក្លឹប និងជម្រើសជាតិ។ តែនោះមិនស្ថិតក្នុងផែនការរបស់កីឡាករវ័យ ២៦ឆ្នាំនោះឡើយ។

     យោងតាមគេហទំព័រ The Sun បានឱ្យដឹងថា Rashford ប្តេជ្ញាចិត្តនៅតស៊ូដើម្បីកន្លែងរបស់គាត់។ គាត់ស៊ុតបញ្ចូលទីបាន ៣០គ្រាប់ ក្នុងរដូវកាល ២០២២-២៣ ក្រោមការដឹកនាំដំបូងរបស់អ្នកចាត់ការ Erik ten Hag។ កិច្ចព្រមព្រៀងបច្ចុប្បន្នរបស់ Rashford ដំណើរការរហូតដល់រដូវក្តៅឆ្នាំ២០២៨ ដែលផ្តល់ឱ្យគាត់នូវពេលវេលាដើម្បីផ្លាស់ប្តូរអ្វីៗទាំងអស់។ ក្លឹប​ចង់​រក្សា​កីឡាករ​រូប​នេះ​បន្ត​ទៀត ទោះ​បី​ជា​ពួក​គេ​នឹង​ពិចារណា​លក់​ក្នុង​តម្លៃ​សមរម្យ​ណាមួយក៏​ដោយ។

Ten Hag មិនបានលាក់បាំងពីគំនិតរបស់គាត់អំពីការខកខានរបស់ Rashford នៅជម្រើសជាតិអង់គ្លេសនោះទេ។ កំឡុងពេលពិភាក្សាជាមួយទូរទស្សន៍ហូឡង់ NOS គាត់បានចង្អុលបង្ហាញពីទម្រង់លេងរបស់ក្លឹប ក៏ដូចជា Jack Grealish ដែលបានខកខានក្នុងក្រុមរបស់លោក Gareth Southgate ផងដែរ។

អ្នកចាត់ការ Ten Hag បាននិយាយកាលពីមុនថា៖

“Grealish និង Rashford អ្នកទាំងពីរពិតជាខ្វះខាតក្នុងរដូវកាលនេះ។ ហើយនៅពេលដែលអ្នកខ្វះខាត អ្នកនឹងមិនត្រូវបានប្រថុយជ្រើសរើសសម្រាប់ប្រទេសរបស់អ្នកឡើយ”។

“គាត់ដឹង ខ្ញុំដឹង” ។ វាត្រូវធ្វើជាមួយខ្លួនគាត់ ប៉ុន្តែក៏ត្រូវធ្វើជាមួយក្រុមផងដែរ។ ខ្ញុំបាននិយាយរួចហើយថា ការប្រកួតវាយសម្រុករបស់យើងបានប្រសើរឡើងច្រើនបន្ទាប់ពីរដូវរងា ប៉ុន្តែមុនរដូវរងា ការប្រកួតវាយលុករបស់យើងមិនល្អគ្រប់គ្រាន់ទេ។ ខ្ញុំគិតថាវាតែងតែជាកត្តាពីរដែលខ្ញុំបានលើកឡើង វាគឺជាក្រុម ហើយវាជាខ្លួនគាត់។ រឿងពីរយ៉ាងនេះពិតជាទាក់ទងគ្នាទៅវិញទៅមក។ នៅពេលដែលគាត់ធ្វើមិនបានត្រឹមត្រូវ ខ្ញុំនឹងប្រឈមមុខជាមួយគាត់។ ខ្ញុំនឹងផ្តល់អំណះអំណាង ព្រោះយើង​មាន​ទិន្នន័យ​ច្បាស់លាស់ក្នុងការប្រើប្រាស់”៕

ប្រភព បរទេស