ក្រោយ​សម្រាក​អស់​រយៈ​ពេល​ជិត ២ ខែ ទី​បំផុត​ការ​ប្រកួត​គូ​សំខាន់ៗ ក៏​បាន​ឈាន​ចូល​មក​ដល់​សារ​ជា​ថ្មី ពោល​ចាប់​ពី​គូ​បើក​ឆាក​នៅ​យប់​ថ្ងៃ​អង្គារ​នេះ​ត​ទៅ កំណត់​ធ្វើ​ឡើង​នៅ​ឯ​ប្រទេស​ថៃ មាន​ផ្សាយ​ផ្ទាល់​លើ​ទំព័រ CTS Sports។

ជា​ការ​ពិត​ ក្លឹប​ធំៗ​ទាំង​អស់ តែងតែ​ធ្វើ​ដំណើរ​ទៅ​ចូលរួម​ការ​ប្រកួត​ជា​លក្ខណៈ​មិត្តភាព នៅ​ក្រៅ​តំបន់ ដើម្បី​បន្ថែម​ប្រជាប្រិយភាព​ពី​អ្នក​គាំទ្រ ក៏​ដូច​ជា​បង្កើន​ចំណូល និង​កម្តៅ​សាច់ដុំ​កីឡាករ មុន​ការ​ចាប់ផ្តើម​រដូវ​កាល​ថ្មី។ Pre-Season Tour នៃ​បណ្តា​ក្លឹប​យក្ស​ក្នុង​ឆ្នាំ ២០២២ នេះ បាន​ផ្តោត​ខ្លាំង​ទៅ​ការ​ប្រកួត​នៅ​ទូទាំង​ទ្វីប​អាស៊ី អាមេរិក​ខាង​ជើង និង​អឺរ៉ុប។ ខាង​ក្រោម CTS Sports បង្ហាញ​កាលបរិច្ឆេទ​ប្រកួត​សំខាន់​ទាំង ១២ គូ ដែល​អ្នក​មិន​គួរ​រំលង៖

Liverpool ប៉ះ Man Utd នៅ​ឯ​ប្រទេស​ថៃ នា​វេលា​ម៉ោង ០៨:០០ នាទី​យប់ ថ្ងៃ​អង្គារ ទី ១២ ​កក្កដា
RB Leipzig ប៉ះ Liverpool នៅ​ឯ​ប្រទេស​អាល្លឺម៉ង់ នា​វេលា​ម៉ោង ១២:១៥ នាទី​យប់ ឈាន​ចូល​ថ្ងៃ​សុក្រ ទី ២២ ​កក្កដា

Chelsea ប៉ះ Arsenal នៅ​ឯ​សហរដ្ឋអាមេរិក នា​ថ្ងៃ​ទី ២៣ ​កក្កដា ពាន​រង្វាន់ Florida Cup
Bayern Munich ប៉ះ Man City នៅ​ឯ​សហរដ្ឋអាមេរិក នា​ថ្ងៃ​ទី ២៣ ​កក្កដា
Real Madrid ប៉ះ Barcelona នៅ​ឯ​សហរដ្ឋអាមេរិក នា​ថ្ងៃ​ទី ២៣ ​កក្កដា
PSG ប៉ះ Gamba Osaka នៅ​ឯ​ប្រទេស​ជប៉ុន នា​វេលា​ម៉ោង ០៥:០០ នាទី​ល្ងាច ​ថ្ងៃ​ទី ២៥ ​កក្កដា
Barcelona ប៉ះ Juventus នៅ​ឯ​សហរដ្ឋអាមេរិក នា​ថ្ងៃ​ទី ២៧ កក្កដា
Man Utd ប៉ះ Atletico Madrid នៅ​ឯ​ប្រទេស​ន័រវេស នា​វេលា​ម៉ោង ០៦:៤៥ នាទី​ល្ងាច ​ថ្ងៃ​ទី ៣០ ​កក្កដា
Real Madrid ប៉ះ Juventus នៅ​ឯ​សហរដ្ឋអាមេរិក នា​វេលា​ម៉ោង ០៩:០០ នាទី​ព្រឹក ​ថ្ងៃ​ទី ៣១ ​កក្កដា
AS Roma ប៉ះ​ Tottenham Hotspur នៅ​ឯ​ប្រទេស​អ៊ីស្រាអែល នា​វេលា​ម៉ោង ០១:១៥ នាទី​ព្រឹក ​ថ្ងៃ​ទី ៣១ ​កក្កដា
Inter Milan ប៉ះ Villarreal នៅ​ឯ​ប្រទេស​អ៊ីតាលី នា​វេលា​ម៉ោង ០១:៣០ នាទី​ព្រឹក ថ្ងៃ​ទី ០៧ សីហា
Barcelona ប៉ះ Man City នៅ​ឯ​ប្រទេស​អេស្ប៉ាញ នា​វេលា​ម៉ោង ០២:៣០ នាទី​ព្រឹក ​ថ្ងៃ​ទី ២៥ ​សីហា

គួរ​បញ្ជាក់​ថា យើង​ចាប់​អារម្មណ៍​ទៅ​លើ​ក្រុម​អ្នក​មាន​បុណ្យ Barcelona ប្រកួត​មិត្តភាព​របស់​ពួក​គេ បាន​ហៀរ​ចូល​ដល់​រដូវ​កាល​ថ្មី​តែ​ម្តង ពោល​ក្រោយ​ជុំ​ទី ២ នៅ​ឯ​ក្របខ័ណ្ឌ La Liga។ មើល​ទៅ​នេះ​ដូច​ជា​វិធីសាស្ត្រ​ក្នុង​ការ​ព្យាយាម Promote ឈ្មោះ​កីឡដ្ឋាន​ថ្មី គឺ Sportify Camp Nou ដោយ​កំឡុង​ខែ​សីហា មាន​ជំនួប​មិត្តភាព​ធំ​ដល់​ទៅ ២ កើត​ឡើង​ទន្ទឹម​គ្នា​នឹង​យុទ្ធនាការ​នៅ La Liga ពោល​ក្រៅ​តែ​ពី​ការ​ប៉ះ Man City ទៀត​សោត​ក៏​ត្រូវ​ជួប Pumas UNAM នៅ​ពាន​រង្វាន់ Joan Gamer Trophy មួយ​ផ្សេង​ទៀត​ដែរ។

បញ្ជាក់​ថា កាលបរិច្ឆេទ​បើក​រដូវ​កាល​ថ្មី ប្រចាំ​លីគ​កំពូល​ទាំង ៥ មាន​ដូច​ជា Premier League និង Ligue 1 នៅ​ថ្ងៃ​ទី ៦ សីហា, La Liga និង Bundesliga នៅ​ថ្ងៃ​ទី ១២ សីហា ខណៈ Serie A នៅ​ក្រោយ​នោះ​មួយ​ថ្ងៃ។ ចន្លោះ​ពេល​នោះ ក៏​នឹង​មាន​ការ​ចាប់ឆ្នោត​វគ្គ​ចែក​ពូល UCL នៅ​ថ្ងៃ​ទី ២៥ សីហា មុន​ចាប់ផ្តើម​ប្រកួត​នៅ​ថ្ងៃ​ទី ៦ ខែ​បន្ទាប់ ជួន​ពេល​ទីផ្សារ​ដោះដូរ​រដូវ​ក្តៅ នឹង​បិទ​ទ្វារ​នៅ​ថ្ងៃ​ទី ៣១ ចុង​ខែ៕