- wolf246@gmail.com
Real Madrid យកឈ្នះ Cadiz ២-១ មិនឱ្យគម្លាតឆ្ងាយពី Barcelona ឡើយ
- Friday 11 November 2022
- 01:29 PM
ក្រុមអធិរាជស Real Madrid បានយកឈ្នះលើក្រុម Cadiz ក្នុងលទ្ធផល ២-១ នាពានរង្វាន់ La Liga នៅយប់មិញនេះ ដើម្បីបន្ដប្រជែងកំពូលតារាងជាមួយក្រុម FC Barcelona ។
ក្រុមរបស់លោក Carlo Ancelotti ពិតជាត្រូវការឈ្នះការប្រកួតមួយនេះខ្លាំងណាស់ ព្រោះពួកគេកំពុងត្រូវបានក្រុម Barcelona នាំមុខដល់ទៅ៥ពិន្ទុហើយ។ ការយកឈ្នះលើក្រុម Cadiz បានក្នុងលទ្ធផល ២-១ នេះ បានបន្ថយគម្លាតមកត្រឹម២ពិន្ទុវិញផងដែរ មុនព្រឹត្តិការណ៍ FIFA World Cup 2022 ចូលមកដល់។ ដោយ២គ្រាប់ធ្វើបាននៅយប់មិញចេញ ពី Eder Militao ១គ្រាប់ និង Toni Kroos ១គ្រាប់។
ក្រុមអធិរាជស Real Madrid នឹងសម្រាកពីពេលនេះទៅ រហូតដល់ចូលឆ្នាំថ្មីឯណោះទើបមានការប្រកួតឡើងវិញ។ ការសម្រាកនេះដែរ ក៏ព្រោះតែព្រឹត្តិការណ៍ FIFA World Cup 2022 ដែលនឹងចាប់ផ្ដើមពីថ្ងៃ២០ខែវិច្ឆិកា រហូតដល់ថ្ងៃ១៨ខែធ្នូឆ្នាំ២០២២ខាងមុខ៕