Contact us
- wolf246@gmail.com
លឿនមែន! Liverpool យល់ព្រមលក្ខខណ្ឌផ្ទាល់ខ្លួនជាមួយNunez ហើយ
11June-2022
- Saturday 11 June 2022
- 07:41 AM
ក្រុមហង្សក្រហម Liverpool បានយល់ព្រមលក្ខខណ្ឌផ្ទាល់ខ្លួនជាមួយខ្សែប្រយុទ្ធ Darwin Nunez ហើយ ក្រោយពីការចរចាធ្វើឡើងជាច្រើនថ្ងៃមកនេះ។
ក្រុម Benfica បានទាមទារតម្លៃខ្លួនរបស់ Darwin Nunez រហូតដល់៨៥លានផោនឯណោះ។ ខណៈដែលតម្លៃនេះដែរ ហាក់ដូចជាក្រុមហង្សក្រហមយល់ព្រមទៅហើយ ព្រោះពួកគេបានរត់ទៅចរចាជាមួយសាមីខ្លួនកីឡាកររួចរាល់ទៅហើយដែរ។ មួយវិញទៀត ភាគីទាំងពីរក៏បានយល់ព្រមលក្ខខណ្ឌមួយចំនួនហើយដែរ ដូច្នេះមិនយូរទេការប្រកាសផ្លូវការនឹងធ្វើឡើងមិនខាន។
ក្រុមរបស់លោក Klopp ចង់បានកីឡាករសញ្ជាតិអ៊ុយរុយហ្គាយខាងលើនេះដើម្បីមកជំនួសកន្លែងរបស់ Sadio Mane ដែលនឹងត្រៀមចាកចេញពីក្រុមនៅរដូវក្ដៅនេះ។ Bayern Munich កំពុងតាមទិញ Mane និងបានស្នើមកជាច្រើនលើកមកហើយ ដូច្នេះទើប Liverpool ត្រូវត្រៀមជាស្រេចដើម្បីរកអ្នកជំនួស៕ ប្រភព ៖ dailymail
