- wolf246@gmail.com
Ronaldo posted a message after scoring his first goal in 2022
- Thursday 17 February 2022
- 11:12 PM
ខ្សែប្រយុទ្ធ Cristiano Ronaldo រកបាន១គ្រាប់ក្នុងការប្រកួតដែលក្រុម Manchester United យកឈ្នះលើក្រុម Brighton ក្នុងលទ្ធផល ២-០ នៅយប់មិញនេះ។
Ronaldo ខកខានរកគ្រាប់បាល់ជាច្រើនប្រកួតមកហើយ ដោយទើបយប់មិញនេះ រូបគេស៊ុតពីចម្ងាយបញ្ចូលទីយ៉ាងស្អាតតែម្ដង។ ខណៈដែល១គ្រាប់ទៀតរបស់ Man Utd ដែលរកបាននោះកើតចេញពីខ្សែបម្រើ Bruno នៅចុងម៉ោងទៅហើយ។ ចប់ការប្រកួត Man Utd ទទួលបានជ័យជម្នះក្នុងលទ្ធផល ២-០ និងមានឱកាសឈរលេខ៤បណ្ដោះអាសន្នក្នុងតារាង Premier League ។
ក្រោយពីចប់ការប្រកួតទៅ Ronaldo បានបង្ហោះសារមួយដែលមានន័យថាគ្រប់យ៉ាងបានត្រលប់មកលើផ្លូវត្រូវវិញផងដែរ។ នេះសបញ្ជាក់ឱ្យឃើញថារូបគេចាប់ផ្ដើមប្រមូលអារម្មណ៍បានល្អវិញ ហើយការយកបាន៣ពិន្ទុក៏ជារឿងសំខាន់សម្រាប់ក្រុមក្នុងការប្រជែងយក Top4 ផងដែរ។ នារដូវកាលនេះក្នុងលីគ ក្រុម Man Utd បានដាក់គោលដៅហើយ ត្រូវជាប់ Top4 ឱ្យបាន៕ ប្រភព៖ DailyMail
