- wolf246@gmail.com
Ronaldo was narrowly club will be playing along with Messi
- Monday 26 August 2019
- 01:52 PM
តាមសារព័ត៌មាន Don Balon បានឲ្យដឹងថាក្លឹបយក្សអេស្ប៉ាញ FC Barcelona ក៏ធ្លាប់ចាប់អារម្មណ៍ចង់នាំយក Cristiano Ronaldo ចេញពី Sporting CP ផងដែរ កាលពីជាង ១៥ ឆ្នាំមុន។ 
គ្រានោះមានតាំងពី Real Madrid, Valencia, Man Utd និង Inter Milan ថែមទៀត ដែលសម្លឹងឃើញកីឡាករលេចធ្លោ Cristiano Ronaldo ប៉ុន្តែសោកស្តាយរហូតដល់ខែសីហា ឆ្នាំ ២០០៣ បែរជាលោក Sir Alex Ferguson ក្លាយជាបុគ្គលជោគជ័យដែលអាចបញ្ចុះបញ្ចូលនាំយកកីឡាករវ័យ ១៨ ឆ្នាំមកចូលរួមនៅអង់គ្លេស។
ត្បិតអីកាលនោះ Barcelona បានទម្លាក់សំណើ ប៉ុន្តែសាមីខ្លួន CR7 ពុំបានផ្តល់ចម្លើយវិជ្ជមាននោះទេ ជាហេតុធ្វើឲ្យវីរបុរសទាំងពីរមាន Lionel Messi និង Cristiano Ronaldo ពុំអាចរួបរួមក្នុងក្រុមតែមួយ និងត្រូវហែកមុខយក្សដាក់គ្នាទល់សព្វថ្ងៃ។
កន្លងទៅបុរសវ័យ ៣៤ ឆ្នាំក៏ធ្លាប់សរសើរដល់ការខិតខំរបស់ Messi នាមជាគូប្រកួតនឹងគ្នា រហូតលាន់មាត់ថាដោយសារកីឡាករអាហ្សង់ទីនរូបនេះទើបធ្វើឲ្យខ្លួនមានភាពល្អប្រសើរឡើងទៀតផង៕