- wolf246@gmail.com
Salah ថារឿងកើតនៅឆ្នាំ២០១៨ ជាកម្លាំងចិត្តខ្លាំងសម្រាប់គេ
- Saturday 28 May 2022
- 10:59 AM
ខ្សែប្រយុទ្ធ Mohamed Salah បាននិយាយថាការចាញ់ក្រុម Real Madrid នៅវគ្គផ្ដាច់ព្រ័ត្រកាលពីឆ្នាំ២០១៨កន្លងទៅ បានក្លាយជាកម្លាំងចិត្តខ្លាំងបំផុតសម្រាប់ខ្លួនក្នុងការប្រកួតផ្ដាច់ព្រ័ត្រនៅយប់ស្អែកនេះ។
ក្រុមហង្សក្រហម Liverpool ត្រូវប្រកួតសងសឹកលើក្រុម Real Madrid វិញហើយសម្រាប់ការប្រកួតវគ្គផ្ដាច់ព្រ័ត្រ UEFA Champions League ។ ជំនួបនេះដែរ នឹងធ្វើឱ្យអ្នកគាំទ្រជក់ចិត្តមិនខាន ព្រោះបើតាមសម្ដី Salah រូបគេនឹងយកឱកាសនេះដើម្បីជាការសងសឹកយកឈ្នះលើ Real Madrid វិញ ដែលធ្វើឱ្យរូបគេខកខានលើកពាន UCL នៅឆ្នាំ២០១៨។ ដោយឡែកនៅឆ្នាំនោះ រូបគេក៏មានរបួសស្មាថែមទៀត។
ខ្សែប្រយុទ្ធ Top Scorer នៅអង់គ្លេសខាងលើបាននិយាយថា៖ “ខ្ញុំមានការលើកទឹកចិត្តខ្លាំងណាស់បន្ទាប់ពីអ្វីដែលបានកើតឡើងនៅឆ្នាំ២០១៨ជាមួយក្រុម Real Madrid ។ ដោយឡែកក្រុមទាំងមូលក៏ដូចគ្នា បន្ទាប់ពីមិនអាចឈ្នះ Premier League យើងលើកទឹកចិត្តដើម្បីផ្ដោតលើ Champions League វិញ។ យើងរីករាយចំពោះពានរង្វាន់មួយនេះ”៕ ប្រភព ៖ bbc
