- wolf246@gmail.com
Sandro: I regret spending 300-400 euros a night
- Sunday 15 September 2019
- 11:48 AM
ខ្សែការពារ Alex Sandro ហាក់ដូចជាស្ដាយលុយ មានអារម្មណ៍មិនល្អទេ នៅពេលចំណាយ៣០០ទៅ៤០០អឺរ៉ូក្នុងពេល១យប់ ខណៈដែលខ្លួនមានប្រវត្តិកម្សត់កម្រខ្លាំងមុនពេលមានថ្ងៃនេះ។
បង្ហាញខ្លួនឱ្យជម្រើសជាតិប្រេស៊ីលបាន២១ដងនិងឈ្នះពានរង្វាន់បាន១៧ពានហើយ ក៏បច្ចុប្បន្ននេះ Sandro នៅមិនអាចបំភ្លេចអតីតកាលរបស់ខ្លួនបានដែរ។ រាល់ពេលទៅកម្សាន្តនៅទីណាដែលចំណាយលុយច្រើន រូបគេតែងតែមានការសោកស្ដាយជានិច្ច និងមានគំនិតថាបើសិនជាយកលុយនោះទៅជួយអ្នកក្រវិញមិនដឹងល្អប៉ុណ្ណានោះទេ។
កីឡាករវ័យ២៨ឆ្នាំបាននិយាយថា៖ “ខ្ញុំបានចាប់ផ្ដើមអាជីពជាមួយក្រុម Paranaense នៅវ័យ១៥ឆ្នាំ ខ្ញុំរកបានត្រឹម៩០អឺរ៉ូប៉ុណ្ណោះក្នុង១ខែ។ ខ្ញុំយកប្រាក់ទាំងអស់នេះ ទៅឱ្យគ្រួសារដើម្បីផ្គត់ផ្គង់ការចំណាយ។ បច្ចុប្បន្ននេះនៅពេលខ្ញុំចាយ១យប់៣០០ទៅ៤០០អឺរ៉ូ ខ្ញុំចាប់ផ្ដើមនឹកដល់ពេលវេលាលំបាកពីតូចមកវិញ ហើយគិតក្នុងចិត្តថាបើលុយនេះ យកទៅប្រើនៅពេលនោះ មិនដឹងជាអាចជួយគ្រួសារបានប៉ុនណាទេ”៕ប្រភព៖ Marca
