- wolf246@gmail.com
Ten Hag ថា Ronaldo ត្រូវពង្រឹងកាយសម្បទាឡើងវិញ ទើបអាចជាប់ជម្រើសដំបូង
- Sunday 04 September 2022
- 03:55 PM
លោក Erik ten Hag បាននិយាយថាខ្សែប្រយុទ្ធ Cristiano Ronaldo ត្រូវពង្រឹងកាយសម្បទាឡើងវិញ ទើបអាចមានឱកាសជាប់ជម្រើស១១នាក់ដំបូងបាន។
ក្រុមបិសាចក្រហម Manchester United នឹងត្រូវលេងទល់ក្រុម Arsenal ដែលឈរនៅកំពូលតារាងនារាត្រីនេះហើយ។ មុនការប្រកួតនោះមកដល់ លោក Ten Hag បាននិយាយថាក្រុមរបស់លោកត្រៀមខ្លួនជាស្រេចហើយសម្រាប់ជំនួបសំខាន់មួយនេះ។ Arsenal ជាក្រុមកំពុងធ្វើបានល្អនាដើមរដូវកាលនេះ ដូច្នេះលទ្ធផលនៃការប្រកួតនេះសុទ្ធតែមិនអាចព្យាករបានមុនឡើយ។
សម្រាប់ Ronaldo វិញ អ្នកចាត់ការក្រុមបិសាចក្រហមក៏បាននិយាយដែរថាលោកមិនមានបញ្ហាអ្វីជាមួយគេឡើយ។ រឿងដាក់១១នាក់ដំបូងឬអត់គឺអាស្រ័យទៅលើយុទ្ធសាស្ត្ររបស់ក្រុម ខណៈដែល Ronaldo ផ្ទាល់ក៏ត្រូវពង្រឹងសមត្ថភាពនិងកាយសម្បទារបស់គេឡើងវិញដែរ។ ខ្សែប្រយុទ្ធវ័យ៣៧ឆ្នាំនៅតែជាកីឡាករសំខាន់ក្នុងក្រុម ហើយលោកក៏មានគម្រោងពឹងផ្អែកលើគេច្រើនដែរ៕