- wolf246@gmail.com
Tite ៖ ប្រេស៊ីលឆ្នាំនេះពេញល្អ មិនដូចប្រេស៊ីលឆ្នាំ ២០១៨ ទេ
- Friday 25 November 2022
- 08:59 AM
លោក Tite គ្រូបង្វឹកក្រុមជម្រើសជាតិប្រេស៊ីល បានអះអាងថាក្រុមរបស់លោកបានត្រៀមខ្លួនជាស្រេចហើយក្នុងការប្រកួតទល់ក្រុមសែបនៅរាត្រីនេះ ក្នុងការប្រកួតបើកឆាក World Cup 2022 ។
ប្រេស៊ីល សឹងតែគ្រប់ឆ្នាំដែលត្រូវបានគេដាក់ថាជាក្រុមមានភាគរយឈ្នះពានរង្វាន់ FIFA World Cup ជាងគេ។ ចំណុចនេះ លោក Tite គ្រូបង្វឹកប្រេស៊ីលបានអះអាងថាជារឿងធម្មតាទៅហើយ និងវាមិនមែនជាសម្ពាធសម្រាប់លោកឬកូនក្រុមនោះទេ។ គ្រប់គ្នាចាត់ទុកបែបនេះ ក៏ព្រោះតែប្រេស៊ីលជាប្រទេសមានប្រវត្ដិសាស្ត្រធំបំផុតលើផ្នែកបាល់ទាត់នេះ ហើយក៏ជោគជ័យច្រើនជាងគេ ជាម្ចាស់ជើងឯក៥សម័យកាលផងដែរ។
គ្រូបង្វឹកខាងលើបានបន្ថែមទៀតថា៖ “នៅក្នុងក្រុមយើង មានកីឡាករដែលគ្រប់កាសែតទាំងអស់តែងតែចង់ចុះផ្សាយនិងតាមដានជានិច្ច។ យើងមានកីឡាករឆ្នើមៗបំផុតនៅលើលោក ហើយវាជាក្ដីស្រមៃរបស់យើងផងដែរក្នុងការឈ្នះពាន World Cup។ នៅរុស្ស៊ីយើងមានពេលត្រឹម២ឆ្នាំដើម្បីរៀបចំក្រុម ប៉ុន្ដែពេលនេះយើងមានពេលពេញលេញល្អណាស់ក្នុងការកសាងក្រុមមួយដែលខ្ញុំចង់បាន។ អារម្មណ៍ខ្ញុំ ប្រេស៊ីលនៅពេលនេះ ល្អជាងប្រេស៊ីលកាលពី៤ឆ្នាំមុន”៕