- wolf246@gmail.com
មកដឹងប្រាក់ពលកម្ម Bale ទទួលបាននៅ LA FC លីគកំពូលអាមេរិក
- Monday 27 June 2022
- 01:35 PM
ខ្សែប្រយុទ្ធ Gareth Bale បានផ្លាស់ទៅលេងនៅក្លឹប Los Angeles FC ហើយ ក្រោយពីរូបគេផុតកុងត្រានៅក្លឹប Real Madrid នារដូវកាលកន្លងទៅ។
ខ្សែប្រយុទ្ធដែលរកបាន២០លានដុល្លារក្នុង១ឆ្នាំនៅក្រុមអធិរាជស Real Madrid ខាងលើនេះ ទៅលេងនៅអាមេរិក ទទួលបានតម្លៃខ្លួនមិនខ្ពស់នោះទេ។ ប្រភពស្និទ្ធិនឹងក្លឹប LA FC បានបញ្ជាក់ថា Bale ទទួលបានតម្លៃពលកម្មប្រមាណ១,៦លានផោនប៉ុណ្ណោះក្នុងកុងត្រា១ឆ្នាំដែលគេទទួលបាន។ យ៉ាងណាមិញ គេក៏មិនទាន់ដឹងថាមូលហេតុអ្វីបានជាកីឡាករជម្រើសជាតិវែលរូបនេះសម្រេចមកលេងនៅលីគអាមេរិក ស្របពេលក្លឹបធំៗជាច្រើននៅអឺរ៉ុបចង់បាននោះដែរ។
បើធៀបជាមួយកីឡាករដទៃទៀតដែលផ្លាស់ពីអឺរ៉ុបមកលេងនៅអាមេរិកដែរ គឺខ្សែប្រយុទ្ធ Bale មានតម្លៃខ្លួនទាបជាងគេណាស់។ ជាក់ស្ដែង Lorenzo Insigne ដែលផ្ទេរពី Napoli ទៅលេងនៅ Toronto FC ទទួលបាន ១២,៤២លានផោនឯណោះក្នុង១ឆ្នាំ។ ស្របពេល Xherdan Shaqiri រកបាន ៨,១៥លានផោន ហើយ Chicarito វិញរកបាន៦លានផោនលេងឱ្យក្រុម LA Galaxy ៕ ប្រភព ៖ marca
