- wolf246@gmail.com
ការនិយាយអាក្រក់ពី Cristiano របស់ Tuchel ទៅកាន់ Todd Boehly បានផ្លាស់ប្តូរទំនាក់ទំនងរបស់ពួកគេ
- Friday 09 September 2022
- 01:04 PM
គ្រូបង្វឹកវ័យ ៤៩ ឆ្នាំរូបនេះត្រូវបានបណ្តេញចេញកាលពីថ្ងៃពុធបន្ទាប់ពីការចាញ់ ១-០ ក្រោមស្នាដៃក្រុម Dinamo Zagreb ក្នុងក្របខ័ណ្ឌ Champions League។
Chelsea បានចាប់ផ្តើមរដូវកាលនេះជាមួយនឹងការរងបរាជ័យបីលើក ហើយបច្ចុប្បន្នកំពុងឈរនៅលេខរៀងទី៦ក្នុងតារាង Premier League។ ការបណ្តេញលោក Tuchel គឺមិនមែនដោយសារតែលទ្ធផលនេះមួយប៉ុណ្ណោះទេ។
វាត្រូវបានគេអះអាងថាគាត់និង Boehly មើលមុខគ្នាមិនចំនោះទេ តាំងពីរដូវកាលទីផ្សារដោះដូរកីឡាករ ជាពិសេស Ronaldo។
ខ្សែប្រយុទ្ធ Manchester United បានបង្ហាញបំណងចង់ចាកចេញពី Old Trafford បន្ទាប់ពីពួកគេបរាជ័យក្នុងការបញ្ចប់ក្នុងចំណាត់ថ្នាក់កំពូលតារាងទាំងបួន។
Ronaldo អស់សង្ឃឹមក្នុងការលេងនៅ Champions League ហើយការផ្លាស់ទៅ Chelsea ហាក់ដូចជាស្ថិតក្នុងស្ថានភាពអាចទៅរួច។
Boehly ចង់ធ្វើការចុះហត្ថលេខាក្នុងរដូវក្ដៅដំបូងក្នុងនាមជាម្ចាស់ក្លឹបថ្មី ហើយបានឃើញ Ronaldo ជាឱកាសដ៏ល្អឥតខ្ចោះ។
ទោះជាយ៉ាងណាក៏ដោយ Tuchel មិនយល់ព្រមទេ ហើយជំនួសមកវិញបានជំរុញឱ្យចរចារទិញយក Pierre-Emerick Aubameyang ដែលគាត់ធ្លាប់ធ្វើការជាមួយនៅ Borussia Dortmund។
យោងតាមលោក Christian Falk លោក Tuchel មានការខឹងសម្បារយ៉ាងខ្លាំងដែលគាត់បាននិយាយការពិតដ៏អាក្រក់មួយចំនួនអំពី Ronaldo។
គាត់ត្រូវបានគេរាយការណ៍ថាបានប្រាប់ Boehly ថា “គាត់ [Ronaldo] នឹងបំផ្លាញស្មារតីក្រុមនៅក្នុងបន្ទប់ផ្លាស់ស្លៀកពាក់របស់ខ្ញុំ។
”
ពាក្យចចាមអារ៉ាមក៏លើកឡើងថា Ronaldo បណ្តាលឱ្យមានការបែងចែកបន្ទប់ផ្លាស់សំលៀកបំពាក់ដ៏ធំ ដែលនៅទីបំផុតបានបញ្ចប់ពេលវេលារបស់លោក Ole Gunnar Solskjaer ក្នុងនាមជាអ្នកចាត់ការទូទៅ។
Chelsea បានរចុះហត្ថលេខាចំនួន ៨ នាក់ ហើយការចំណាយប្រាក់សរុបរបស់ពួកគេរហួតដល់ ២៥៥ លានផោន ដោយ Tuchel ត្រូវបានផ្តល់ការគ្រប់គ្រងលើរាល់នាំចូល។
Graham Potter ត្រូវបានគេរំពឹងថានឹងត្រូវបានប្រកាសជាអ្នកស្នងតំណែងរបស់ Tuchel នៅប៉ុន្មានថ្ងៃខាងមុខនេះ។
Brighton and Hove Albion បានផ្តល់ការអនុញ្ញាតឱ្យ Chelsea ពិភាក្សាជាមួយ Potter ហើយគាត់អាចស្ថិតក្នុងភាពលំបាកសម្រាប់ការប្រកួតថ្ងៃសៅរ៍ជាមួយ Fulham៕
ប្រភព៖ sportbible