- wolf246@gmail.com
Zidane is reviving Real Madrid in the absence of Ronaldo
- Wednesday 27 November 2019
- 01:19 AM
ក្រុម Real Madrid នារដូវកាលនេះ បានបង្ហាញពីភាពល្អប្រសើរឡើងវិញ ក្រោយពីអវត្តមានរបស់ Cristiano Ronaldo ដែលបានចាកចេញពីក្រុមទៅ។
រដូវកាលមុន អត់មាន Ronaldo បានធ្វើឱ្យក្រុម Real Madrid ហាក់ដូចជាបាត់បង់អ្វីម្យ៉ាងជាពិសេសការរកគ្រាប់បាល់នៅតំបន់ខាងលើ។ តែនារដូវកាលនេះវិញ ក្រោយពីលោក Zidane បានទិញចូលកីឡាករថ្មីៗជាច្រើន និងជ្រើសរើសយកយុវជនមកពង្រឹងក្រុមនោះ ហាក់មានភាពប្លែកនិងល្អប្រសើរ។ ជាក់ស្ដែងនៅតំបន់ខាងលើ Hazard និង Rodrygo ចាប់ផ្ដើមលេងកាន់តែយល់ចិត្តគ្នាជាមួយ Benzema ។ ស្របពេល Bale វិញ ទោះជាមានរឿងកើតឡើងច្រើនមែន ប៉ុន្តែបើមើលទៅលើទម្រង់លេងរបស់គេ ក៏ល្អមួយកម្រិតផងដែរ។
តំបន់បម្រើវិញ Zidane បានផ្ដល់ទំនុកចិត្តលើ Casemiro ដូចដែលលោកធ្លាប់ធ្វើពីមុនមក។ បូករួមជាមួយយុវជនកំពុងឡើងជើង Fede Valverde ម្នាក់ទៀត បានធ្វើឱ្យបម្រើការពារ និងឡើងទៅប្រយុទ្ធមានភាពរឹងមាំ ពីមួយប្រកួតទៅមួយប្រកួត។ Valverde បានក្លាយជាយុវជនម្នាក់ដែលលោក Zidane ផ្ដល់ទំនុកចិត្តខ្លាំងជាងគេ ក្នុងចំណោមកីឡាករទើបកោះហៅថ្មីៗនេះ។
រឿងសំណាញ់ទីវិញ បើទោះជាប៉ុន្មានប្រកួតដំបូង Thibaut Courtois របូតគ្រាប់បាល់ញឹកមែន ប៉ុន្តែក្រោយពីលោក Zidane នៅតែផ្ដល់ទំនុកចិត្តលើគេមក បច្ចុប្បន្ន Courtois បានបំបែកកំណត់ត្រារក្សាសំណាញ់ទីរបស់ Keylor Navas បានបាត់ទៅហើយ។ ឆ្លងកាត់១៣ប្រកួតមកនេះ ក្រុម Real Madrid មានគ្រាប់បាល់ចំណេញ១៨គ្រាប់ តិចជាងក្រុម Barcelona តែ១គ្រាប់ប៉ុណ្ណោះ។ ក្រុមទាំងពីរនេះ ក៏មានពិន្ទុស្មើគ្នា ២៨ពិន្ទុដែរ៕បហរភព៖ Marca
