- wolf246@gmail.com
អីយ៉ាស់អង់គ្លេសដាក់ផែនការ ខណៈដែល Bellingham ប្រកាសថា បើអាចចង់ជួបជាមួយអេស្ប៉ាញនៅវគ្គផ្តាច់ព្រ័ត្រ Euro ២០២៤
អង់គ្លេស កំពុងរៀបចំផែនការសម្រាប់ការប្រកួតវគ្គផ្តាច់ព្រ័ត្រ Euro 2024 នៅថ្ងៃទី១៤ ខែកក្កដា។ Bellingham និងអង់គ្លេសបានរក្សាកៅអីរបស់ពួកគេក្នុងវគ្គពាក់កណ្តាលផ្តាច់ព្រ័ត្រតាមរយៈការស៊ុតបាល់ប៉េណាល់ទីឈ្នះទៅលើក្រុមស្វីស។ ក្រុមអង់គ្លេសបានបរាជ័យក្នុងការស៊ុតបញ្ចូលទីក្នុងរយៈពេល ១២០នាទី ប៉ុន្តែ Bellingham គឺជាផ្នែកមួយក្នុងការស៊ុតបាល់បញ្ចូលទីដ៏ល្អឥតខ្ចោះមួយគ្រាប់កាលពីប្រកួតមុនជាមួយស្លូវ៉ាគី ខណៈដែលក្រុម តោកំណាចអង់គ្លេស បានឡើងទៅកាន់វគ្គ ៤ ក្រុមចុងក្រោយ។
ក្រុមរបស់លោក Gareth Southgate នឹងជួបជាមួយជម្រើសជាតិហូឡង់ក្នុងទីក្រុង Dortmund នៅថ្ងៃទី១០ ខែកក្កដា ហើយពួកគេនឹងដឹងពីគូប្រជែងចុងក្រោយរបស់ពួកគេដែលអាចធ្វើទៅបាន។ ចំណែកអេស្ប៉ាញប្រកួតជាមួយបារាំងនៅមុនមួយថ្ងៃ ហើយអ្នកឈ្នះនឹងត្រូវជួប អង់គ្លេស ឬហូឡង់ នៅវគ្គផ្ដាច់ព្រ័ត្រ។
Bellingham សង្ឃឹមថានឹងមានឱកាសជួបមិត្តរួមក្រុមនៅ Real Madrid របស់គាត់ក្នុងវគ្គផ្តាច់ព្រ័ត្រជាមួយនឹងប្រទេសអេស្ប៉ាញ ខណៈដែលការប្រកួតឈានចូលដល់សប្តាហ៍ចុងក្រោយរបស់ខ្លួន។
“អេស្ប៉ាញលេងបានយ៉ាងល្អក្នុងរយៈពេលបីសប្តាហ៍ចុងក្រោយនេះ អ្វីៗគឺអាចទៅរួច”។គាត់បាននិយាយបន្ទាប់ពីស្វីសឈ្នះ។
“(សង្ឃឹមថា) យើងអាចជួបគ្នានៅវគ្គផ្តាច់ព្រ័ត្រជាមួយអេស្ប៉ាញ។ ពួកគេលេងបានយ៉ាងល្អ”។
គួររំលឹកផងដែរថា អង់គ្លេសបានចាញ់អ៉ីតាលីក្នុងវគ្គផ្ដាច់ព្រ័ត្រ Euro ២០២០ ខណៈដែលអេស្ប៉ាញបានចាញ់ម្ចាស់ជើងឯកនៅវគ្គពាក់កណ្ដាលផ្ដាច់ព្រ័ត្រ។ អេស្ប៉ាញ និងអង់គ្លេសមិនដែលបានជួបគ្នាក្នុងការប្រកួតជើងឯកអឺរ៉ុបចាប់តាំងពីឆ្នាំ១៩៩៦ ជាពេលដែលអង់គ្លេសបានឈ្នះការប្រកួតទៅលើអេស្ប៉ាញ ដោយការសុតបាល់ប៉េណាល់ទីក្នុងវគ្គពាក់កណ្តាលផ្តាច់ព្រ័ត្រ។
ប្រភព បរទេស